اتىراۋ وبلىسىندا اڭشىلىققا شىققان جاس ءوسپىرىم ابايسىزدا كىسى ءولتىردى
اتىراۋ. قازاقپارات - اتىراۋ وبلىسىندا جاس ءوسپىرىم اڭ اۋلاۋ كەزىندە 18 جاستاعى جىگىتتى ابايسىزدا اتىپ قويدى، دەپ حابارلايدى «قازاقپارات» ح ا ا ءتىلشىسى.
«وقىس وقيعا وبلىسقا قاراستى جىلىوي اۋدانىنداعى قىستاۋلاردىڭ بىرىندە بولعان. 14 جاستاعى جاس ءوسپىرىم اتاسىنىڭ ۇيىنە قوناققا كەلگەن. تۇندە ول قىستاۋدا قويشىنىڭ كومەكشىسى بولىپ جۇمىس ىستەيتىن 18 جاستاعى جىگىتپەن اڭ اۋلاۋعا بارعان. قايعىلى جاعداي سول جەردە بولدى: بالا ابايسىزدا مىلتىقتىڭ شۇرىپپەسىن باسىپ، وق جىگىتتىڭ باسىنا تيگەن. جىگىت سول جەردە قازا تاپقان»، - دەپ حابارلادى وبلىستىق ءى ءى د باسپا ءسوز حاتشىسى نازىمگۇل قايساعاليەۆا.
ق ر ق ك 104-بابى 1- ءبولىمى «ابايسىزدا ادام ءولتىرۋ» فاكتىسى بويىنشا سوتقا دەيىنگى تەرگەۋ امالدارى باستالدى.
