قازاقستاندىق ءانشى ءدامحاناعا كەلىپ، شوتتى تولەي الماعان قوس عاشىقتى قوناققا شاقىردى

 استانا. قازاقپارات - قازاقستان ەستراداسىنىڭ ءانشىسى لۋينا ءوزىنىڭ ءدامحاناسىنا قالىڭدىعىمەن كەلىپ، شوتتى تولەۋگە قارجىسى جەتپەي قالعان جىگىتتى ىزدەپ جاتىر، دەپ حابارلايدى «قازاقپارات» ح ا ا ءتىلشىسى.

 وقيعا بىلايشا وربىگەن. كەشە قازاقستاندىق انشىگە تيەسىلى ءدامحانالاردىڭ بىرىنە بولاشاق قالىڭدىعىمەن بىرگە بەلگىسىز جىگىت كەلگەن. ول شوتتى تولەۋگە اقشاسى جەتپەگەن سوڭ، جارتىسىن تولەپ، وتىرعان جەرىنە حات جازىپ قالدىرعان.

«وسى ارەكەتىم ءۇشىن كەشىرىم سۇرايمىن... شوتتى تولەۋگە 2500 تەڭگە جەتپەي قالعان سوڭ، نە ىستەرىمدى بىلمەدىم. ءبىراق، مەن قايتىپ كەلىپ، مىندەتتى تۇردە تولەيمىن. ۋادە بەرەمىن. مەنىڭ قاسىمدا بولعان قىز - مەنىڭ بولاشاق قالىڭدىعىم. ونىڭ الدىندا ابىرويىمدى توككىم كەلمەدى. مەنى تۇسىنەسىزدەر دەپ ويلايمىن»، - دەلىنگەن حاتتا.

 حاتتى الەۋمەتتىك جەلىدەگى پاراقشاسىنا جاريالاعان لۋينا بۇل جاعدايعا تۇسىنىستىكپەن قارايتىنىن جەتكىزىپ، قوس عاشىققا رومانتيكالىق كەشكى اسقا شاقىرماق.

 «بۇل جاعدايعا ۇلكەن تۇسىنىستىكپەن قارايمىز. كەشىرىم سۇراۋدىڭ، ءتىپتى جەتپەي قالعان اقشانى تولەۋدىڭ دە قاجەتى جوق. بولاشاق قالىڭدىعىڭىزبەن بىرگە ءبىزدىڭ ءدامحاناعا تاعى دا كەلىڭىز: سىزدەردى رومانتيكالىق كەشكى اسقا شاقىرامىن. ماعان حابارلاسۋىڭىزدى سۇرايمىن»، - دەپ جازدى ءانشى.

اۆتور: اقبوپە ءابدراسۋل