ءۇندىستاندا ەكى باسى بار ءسابي دۇنيەگە كەلدى

 استانا. قازاقپارات - سالماعى 3,7 كگ بولعان سابيلەردىڭ وكپەلەرى، جۇرەكتەرى مەن وزگە دە اعزالارى ورتاق بولىپ شىقتى.

بۇل تۋرالى ريا نوۆوستي باسىلىمى حابارلايدى.

ءۇندىستاننىڭ امبايوگاي شتاتىندا سيرەك كەزدەسەتىن سيام ەگىزدەرى دۇنيەگە كەلدى. تۋا سالىسىمەن ەگىزدەر تىنىس الۋعا قينالىپ، دارىگەرلەر ولاردى بىردەن اپپاراتقا قوسقان. الايدا سابيلەر ءبىر تاۋلىك وتكەننەن كەيىن شەتىنەپ كەتەدى.

«بۇل وتە قيىن ءارى سيرەك كەزدەسەتىن جاعداي. ول سيام ەگىزدەرىنىڭ تەك% 10 ىندا كەزدەسەدى»، - دەيدى گينەكولوگ دارىگەر ساندجاي بەنسود.

دارىگەرلەر ءسابيدىڭ كەم- تار بولىپ تۋاتىنىن تەك جۇكتىلىكتىڭ سەگىزىنشى ايىندا بايقاعان. الايدا اناسى ولاردان باس تارتپاي، جۇكتىلىكتىڭ 36 اپتاسىندا كەساريەۆونىڭ كومەگىمەن بوسانعان. قازىر سابيلەردىڭ اناسىنىڭ دەنساۋلىعى جاقسى.