قازاقستاندىق ءانشى قىتايدا وتكەن حالىقارالىق ءان فەستيۆالىندە «ياپۋرايدى» شىرقادى

استانا. قازاقپارات - قازاقستاندىق ءانشى گازرەت ەرجانوۆ 1 - قاراشا كۇنى قىتايدىڭ چىڭدۋ قالاسىندا«Asia-Pacific Broadcasting Union (ABU) TV Song Festival 2017» شاراسىندا ونەر كورسەتتى، دەپ حابارلايدى قازاقپارات ءتىلشىسى.

 جەرگىلىكتى باق- تاردىڭ حابارلاۋىنشا، 54- ازيا- تىنىق مۇحيتتىق تەلەراديو تاراتۋ وداعى جينالىسى اياسىندا وتكىزىلىپ وتىرعان حالقارالىق ءان فەستيۆالىنە 14 ەلدىڭ انشىلەرى قاتىستى. ەرجانوۆ ءوز كەزەگىندە قازاقتىڭ حالىق ءانى «ياپۋرايدى» شىرقادى. 31 - قازان كۇنگى باسپا ءسوز ءماسليحاتىندا وتانداسىمىز قىتايلىق ب ا ق وكىلدەرىنىڭ نازارىن اۋداردى. ونىڭ كەلىستى كەلبەتىن قىتايلىقتار وزدەرىنىڭ تانىمال ءانشىسى ۋاڭ لي حوڭعا (Wang Leehom) ۇقساتىپ، «قازاقستاندىق ۋاڭ لي حوڭ» اتاپ ۇلگەردى. ال وتانداسىمىز قىتايلىقتاردىڭ جىلى لەبىزىنە العىسىن ايتىپ، الداعى ۋاقىتتا قىتاي ءتىلىن ۇيرەنىپ، قىتاي ساحناسىندا دا ونەر كورسەتكىسى كەلەتىنىن جەتكىزدى.

فوتو: brod.kz

اۆتور: مۇحتار قاليموللا ۇلى