مەيرامبەك بەسبايەۆ بالا كۇنگى عاشىعىمەن ارا- قاتىناسى جايلى بار شىندىقتى ايتتى

 استانا. قازاقپارات - مەيرامبەك بەسبايەۆ «حابار» ارناسىنىڭ «تىكەلەي ەفير» باعدارلاماسىنا قاتىسىپ، شىعارماشىلىق جاڭالىقتارىمەن ءبولىستى. وتكەنگە شولۋ جاساعان ءانشى ءوزىن اكتەرلىك قىرىنان تانىتقان العاشقى فيلمدى ەسكە الدى.

وعان سەبەپ - ەفيرگە حابارلاسقان كورەرمەننىڭ ءبىرى «العاشقى ماحاببات» فيلمىندە باستى ءرولدى سومداعان اكتريسا جايلى سۇرادى. مەيرامبەك بەسبايەۆ كينو الەمىنە بىرگە قادام باسقان اكتريسامەن ارا- قاتىناسى جايلى اڭگىمەلەدى، دەپ حابارلايدى Stan.kz.

«ول فيلم 1991 -جىلى شىققان. ول كەزدە مەن 15 جاسار بالامىن. ول نازيرا باقايەۆا دەگەن اكتريسا قىزىمىز، مەنەن 3 جاس ۇلكەن. وكىنىشكە قاراي، سول كينودان كەيىن كورگەن جوقپىن. ستۋدەنت بولدىق، ەسەيدىك. اركىم ءارتۇرلى ءوزىنىڭ ومىرلىك جولىمەن كەتتى. مۇلدەم كەزدەسكەن جوقپىز. ءبىراق ءبىر رەت ىزدەپ كوردىم. ويتكەنى كليپ تۇسىرگىم كەلدى، بالا كەزدەگى بەينەنى الىپ، تۋعانبايدىڭ رولىندە ويناعان ەسداۋلەتتەردى تاۋىپ جاساعىم كەلىپ ەدى. تابا المادىم، وكىنىشكە قاراي. ءبىراق قازىر Instagram دەگەن ادەمى دۇنيە بار، سول ارقىلى نازيرانى تاۋىپ الدىم. قازىر ءبىر- ءبىرىمىزدى وقيمىز، ءبىراق ءالى كەزدەسكەن جوقپىز. ونىڭ جارىن دا تانيمىن، سىزدەر دە وتە جاقسى بىلەسىزدەر. ول بىزگە بەلگىلى كينورەجيسسەر - اقان ساتايەۆ»، - دەپ اعىنان جارىلدى مەيرامبەك.