سوت بىشىمبايەۆتىڭ قىلمىستىق ءىسىن توقتاتۋدان باس تارتتى

استانا. قازاقپارات - بۇرىنعى ۇلتتىق ەكونوميكا ءمينيسترى قۋاندىق بىشىمبايەۆ پەن ونىڭ ءىسى بويىنشا ايىپتالعان تاعى 22 ادامنىڭ ءىسىن قارايتىن نەگىزگى سوت پروتسەسى 7- قاراشاعا بەلگىلەندى.

31- قاراشادا وتكەن الدىن الا تىڭداۋدا استانانىڭ مامانداندىرىلعان اۋدانارالىق قىلمىستىق ىستەر بويىنشا سوتى ادۆوكاتتار بىلدىرگەن تالاپ-تىلەكتەردىڭ كوبىن قابىلداماي تاستادى. بىشىمبايەۆتىڭ ادۆوكاتى سوتتان وعان قاتىستى قىلمىستىق قۋدالاۋدى توقتاتۋدى سۇراعان. سوت ول تالاپ-تىلەك الدىن الا سوت تىڭداۋىندا قاناعاتتاندىرىلمايتىنىن ايتىپ، قايتارىپ تاستادى.

پارا الدى جانە قارجى جىمقىردى دەپ ايىپتالعان 37 جاستاعى ەكس-مينيستر بىشىمبايەۆ وسى جىلدىڭ باسىنان بەرى قاماۋدا وتىر. تەرگەۋ تۇجىرىمىنشا، بىشىمبايەۆ «بايتەرەك» حولدينگىن باسقارىپ تۇرعان كەزىندە كوررۋپتسيالىق قيتۇرقىلىق جاساپ، قىزىلورداداعى شىنى زاۋىتىنىڭ قۇرىلىسىنا بولىنگەن قارجىنى جىمقىرعان. بىشىمبايەۆ ايىبىن مويىندامادى.

31- قازاندا وتكەن الدىن الا سوت تىڭداۋىندا بىشىمبايەۆ ءىسى بويىنشا سوتتالعانداردىڭ ءبىرازى ايىپتارىن «مويىندايتىنى» بەلگىلى بولعان.