كوكشەتاۋدا «كوكشە ونىمدەرى» جوباسى باستاۋ الدى

كوكشەتاۋ. قازاقپارات - كوكشەتاۋ قالاسىندا ازىق-تۇلىك باعاسىن تۇراقتاندىرۋ ماقساتىندا قولعا الىنعان «كوكشە ونىمدەرى» جوباسى باستاۋ الدى، دەپ حابارلايدى قازاقپارات ءتىلشىسى.

«ەسىل» الەۋمەتتىك كاسىپكەرلىك كورپوراتسياسى» ۇ ق» ا ق- نىڭ مالىمەتى بويىنشا بۇگىنگى كۇنى وبلىس ورتالىعىنىڭ 20 عا جۋىق ءىرى ساۋدا ورىندارى جاڭا جوباعا قاتىسىپ وتىر.

الداعى كۇندەرى ونىڭ قاتارى تاعى ارتاتىن بولادى. جالپى، جوباعا 13 ءونىمنىڭ ءتۇرىن شىعاراتىن 100 دەن استام اۋىل شارۋاشىلىعى تاۋارلارىن وندىرۋشىلەردى قاتىستىرۋ جوسپارلانعان.

قازىردىڭ وزىندە ونىڭ 40 قا جۋىعىمەن كەلىسىمشارت جاسالعان.

ەسكە سالا كەتەيىك، جوبانى جۇزەگە اسىرۋ ءۇشىن كورپوراتسيا ءبىر تيىن اقشا شىعارمايدى، بيۋدجەت قارجىسى دا جۇمسالمايدى. تەك تاۋار وندىرۋشىلەرمەن جانە ساۋدا ورىندارىنىڭ باسشىلارىمەن كەلىسسوزدەر جۇرگىزۋ ارقىلى ءوزارا ءتيىمدى ارەكەتكە قول جەتكىزىلەدى.

كورپوراتسيا «كوكشەتاۋ ونىمدەرى» جوباسىنا قاتىسۋشىلاردىڭ ءتىزىمىن جاساپ، بەكىتەدى. وعان قاتىسۋشى تاۋار وندىرۋشىلەرى ازىق-تۇلىك ونىمدەرىن بولشەك ساۋداداعى باعادان 5 پايىزدان ارتىق ەمەس باعا بويىنشا ساۋدا ورىندارىنا جەتكىزىپ بەرەدى.

ال ساۋدا ورىندارىنىڭ باسشىلارى ءوز كەزەگىندە سول باعادان 5 پايىزدان ارتىق ەمەس ۇستەمە قوسىپ ساتۋعا مىندەتتەلەدى.