تۇركيانىڭ جۇك كەمەسى قارا تەڭىزگە باتىپ كەتتى
استانا. قازاقپارات - تەمىر رۋداسى تيەلگەن Bilal Bal كەمەسى قارا تەڭىزدىڭ ەريگلي پورتىنا كەلە جاتقاندا، تۇركيانىڭ شيلە قالاسىنا جاقىن ماڭدا سۋعا باتىپ كەتتى، دەپ جازادى «ساباح» باسىلىمى.
ءمارمار تەڭىزىنىڭ گەمليك پورتىنان شىققان تۇرىك كەمەسىندە 13 ادامنان قۇرالعان ەكيپاج بولعان.
ولاردىڭ بارلىعى تۇركيا ازاماتتارى. تۇركيا جاعالاۋ قىزمەتى ىزدەۋ-قۇتقارۋ وپەراتسياسى بارىسىندا ەكيپاجدىڭ 4 مۇشەسىنىڭ دەنەسىن تاپتى. ىزدەۋ جۇمىستارى جالعاسىپ جاتىر.
كەمە 1974-جىلدان بەرى پايدالانىلىپ كەلەدى. كوررەسپوندەنت.net-ءتىڭ حابارلاۋىنشا، بۇرىن بوسفور بۇعازىندا دا قۇرعاق جۇك تاسىمالدايتىن Leonardo كەمەسى قاق ورتاسىنان ءبولىنىپ كەتكەن بولاتىن.
