ايەلىنىڭ رۇقساتىنسىز ەكىنشى رەت ۇيلەنگەن ەر ادام سوتتالدى

استانا. قازاقپارات - پاكىستاندا ايەلىنىڭ رۇقساتىنسىز ەكىنشى رەت ۇيلەنگەن ەر ادام جارتى جىلعا تۇرمەگە قامالدى، دەپ جازادى news.am سايتى.

پاكىستان تۇرعىنى ايشا ءبيبي كۇيەۋى شاحزاد ساكيبتىڭ ءوزىنىڭ رۇقساتىنسىز ەكىنشى رەت ۇيلەنگەندىگىن ايتىپ، سوتقا شاعىم تۇسىرگەن.

پاكىستان سوتى ايەلدىڭ شاعىمىن قاراي وتىرىپ، رۇقساتىنسىز ەكىنشى رەت ۇيلەنگەن ەر ادامعا جارتى جىل تۇرمەگە وتىرۋ جانە $2000 كولەمىندە ايىپپۇل تولەۋ جازاسىن كەسكەن.

سوت شاحزاد ساكيبتىڭ شاريات تالاپتارىنا سايكەس ۇسىنعان ءتورت ايەل الۋ ارگۋمەنتىن قاراۋدان باس تارتقان.

ايتا كەتەيىك، بۇل پاكىستانداعى وتباسىلىق كودەكسكە سايكەس شىعارىلعان العاشقى شەشىم.