ەلورداعا كەلەتىن شەتەلدىك تۋريستەر سانى ميلليونعا جەتەدى
دەپ حابارلايدى قازاقپارات.
«نەگىزگى ماقسات - 2020 -جىلعا قاراي كورسەتكىشتى 2 ميلليون تۋريستكە، ونىڭ ىشىندە 1 ميلليونىن شەتەلدىك تۋريستكە جەتكىزۋ. وتكەن جىلى كەلگەن تۋريستەردىڭ جالپى سانى 830 مىڭدى قۇراسا، ونىڭ 270 مىڭى شەتەلدىك بولدى»، - دەدى ول.
اكىمنىڭ ايتۋىنشا، قالانىڭ تۋريستىك الەۋەتىن ارتتىرۋ ماقساتىندا ارنايى جول كارتاسى ازىرلەنىپ، ونىڭ وقيعا- ىسكەرلىك، رەكرەاتسيالىق- قالالىق جانە مەديتسينالىق تۋريزم سىندى ءۇش باعىتى ايقىندالعان.
«ەكسپو-2017 كورمەسىن وتكىزۋدىڭ ارقاسىندا قالانىڭ تانىمالدىعى ارتقانىن جانە شارا اياسىندا ءىس- شارالاردى سىناقتان وتىزۋگە مۇمكىندىك بولعانىن اتاپ وتكەن ورىندى. سپورتتىق، مادەني جانە ەكونوميكالىق باعىتتارداعى 300-دەن استام ءىس- شارا وتكىزىلدى»، - دەدى يسەكەشيەۆ.
ونىڭ دەرەگىنشە، قازىرگى ۋاقىتتا قالانىڭ تۋريستىك ينفراقۇرىلىمى جاقسى. ەلوردادا 15 مىڭ ادام سياتىن 201 قوناق ءۇي، 1100 ءدامحانا مەن مەيرامحانا، سونداي- اق قوناق كۇتۋگە قاتىسى بار وزگە دە نىسنادار جۇمىس ىستەپ تۇر.
«جول كارتاسى اياسىندا ءبىرقاتار بايىپتى ءىس- شارا وتكىزۋ جوسپارلانعان. قر مادەنيەت جانە سپورت مينيسترلىگىمەن بىرگە مادەني، سپورتتىق، حالىقارالىق سيپاتتاعى 470-تەن استام، سونىمەن بىرگە مينيسترلىكتەرمەن جانە ۆەدومستۆولارمەن حالىقارالىق فورۋمدار مەن كونفەرەنتسيالار وتكىزۋدى ايقىنداۋدامىز. اتالعان شارالاردىڭ نەگىزگى باسىمدىعى - شەتەلدىك جانە ءبىزدىڭ وڭىرلەرىمىزدەن تۋريستەردىڭ قاتىسۋى»، - دەدى ەلوردا باسشىسى.
يسەكەشيەۆتىڭ سوزىنە قاراعاندا، مۇنان بولەك قالادا تۋريستەرگە تارتىمدى بولاتىن عارىش مۋزەيى، بوتانيكالىق باق، جابىق اكۆاپارك، وتباسىلىق ويىن- ساۋىق ورتالىقتارى جانە سپورتتىق نىساندار سالۋ جوسپارلانۋدا.
