مۇنايلىق ەمەس بيۋدجەت تۇسىمدەرى ءوستى - قارجى ءمينيسترى
«2017-2019 -جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى اعىمداعى جىلدىڭ ءۇشىنشى توقسانىنىڭ قورىتىندىسى بويىنشا ەلىمىزدىڭ تۇزەتىلگەن الەۋمەتتىك ەكونوميكالىق دامۋ بولجامى نەگىزىندە ازىرلەندى. تەحنيكالىق كومەك كورسەتۋ راسىمدەرىن توقتاتا تۇرۋ تۋرالى قىرعىز رەسپۋبليكاسىنىڭ باستاماسىن ەسكەرە وتىرىپ، جۇمىس توبى مەن قارجى جانە بيۋدجەت كوميتەتىنىڭ كەڭەيتىلگەن وتىرىسىندا زاڭ جوباسىنا ءتيىستى تۇزەتۋلەر ەنگىزۋ تۋرالى ۇسىنىس قولداۋ تاپتى. ناقتىلاپ ايتقاندا، بيۋدجەت شىعىستارى مەن تاپشىلىعىن 14,1 ملرد تەڭگەگە قىسقارتۋ ۇسىنىلدى»، - دەدى ب. سۇلتانوۆ.
اتالعان تۇزەتۋلەر ناتيجەسىندە اعىمداعى جىلدىڭ بيۋدجەتىنىڭ نەگىزگى پارامەترلەرىنىڭ ءبىرقاتار كورسەتكىشتەرى وزگەردى، ياعني بيۋدجەت تۇسىمدەرى 62,9 ميلليارد تەڭگەگە ۇلعايىپ، 9 تريلليون 691,5 ميلليارد تەڭگەگە جەتتى. ولاردىڭ ىشىندە: مۇنايلىق ەمەس تۇسىمدەر جوسپارعا قاراعاندا
77,9 ميلليارد تەڭگەگە ءوسىپ، 4 تريلليون 497,2 ميلليارد تەڭگەنى؛ مۇناي تۇسىمدەرى 14,9 ميلليارد تەڭگەگە تومەندەپ، 5 تريلليون 194,2 ميلليارد تەڭگەنى قۇرادى.
ءمينيستردىڭ سوزىنە قاراعاندا، بيۋدجەت شىعىستارى 1 ميلليارد تەڭگەگە ۇلعايىپ، 11 تريلليون 177,4 ميلليارد تەڭگەگە جەتتى. ال بيۋدجەت تاپشىلىعى 62 ميلليارد تەڭگەگە تومەندەپ، 1 تريلليون 485,9 ميلليارد تەڭگەنى نەمەسە جالپى ىشكى ونىمگە 2,9 پايىزدى قۇرادى. بۇل ەكونوميكالىق وداق اياسىندا قابىلدانعان باعدارلارعا جانە كەلەسى ورتا مەرزىمدى كەزەڭگە قۇرىلعان جاڭا ەكونوميكالىق ساياساتقا سايكەس كەلەدى.
اۆتور: رۋسلان عابباسوۆ
