02:04, 02 - قاراشا 2017 | GMT +6
الەمدەگى ەڭ ساۋلەتتى قالالار
استانا. قازاقپارت - ساياحات جاساعاندى ۇناتا قويمايتىن جاندار كەمدە- كەم بولار. ەڭ ءبىرىنشى قايدا بارامىن دەپ باس قاتىراتىن ءسات تۋسا، وندا الەمنىڭ ەڭ ساۋلەتتى قالالارىنان باستاڭىز.
Zalando ساۋدا- ساتتىق ونلاين- پلاتفورماسى الەمدەگى ەڭ ساۋلەتتى قالالاردىڭ رەيتينگىن جاريالادى. بۇل رەيتينگتىڭ كوش باسىندا پاريج تۇر. بۇعان ەشكىم ءشۇبا كەلتىرمەس. جالعىز ەيفەل مۇناراسىن كورۋ ءۇشىن فرانسيا ەلىنىڭ استاناسىنا جىلىنا ميلليونداعان تۋريستەر كەلەتىنى جاسىرىن ەمەس.
ساۋلەتتى قالالار رەيتينگى ءتۇرلى تالاپ بويىنشا تۇزىلگەن. ماماندار قالانىڭ ساۋلەتىنە، ترانسپورتتىق ينفراسترۋكتۋراسىنا، كوش تازالىعى، ءسان مەكتەپتەرى، تۋريستەردىڭ كەلۋى مەن قاۋىپسىزدىك ماسەلەلەرىنە ءمان بەرگەن. وسىنداي تالاپتار بويىنشا پاريج 80 قالانىڭ ىشىندە ۇزدىك شىعىپ تۇر. رەيتينگتە ەكىنشى ورىنعا لوندون ( ۇلىبريتانيا) ورنالاسقان. ۇشتىككە اۆستريا ەلىنىڭ استاناسى ۆەنا ەنگەن.
Massaget.kz
