ۇيعىر اۋدانىنىڭ اتاۋى وزگەرتىلمەيدى - اماندىق باتالوۆ

استانا. قازاقپارات - الماتى وبلىسىنىڭ اكىمى اماندىق باتالوۆ ورتالىق كوممۋنيكاتسيالار قىزمەتىندە وتكەن بريفينگتە ۇيعىر اۋدانىنىڭ اتاۋىن وزگەرتۋ جوسپاردا جوق ەكەنىن ايتتى، دەپ حابارلايدى Sputnik قازاقستان ءتىلشىسى.

  بريفينگ بارىسىندا جۋرناليستەردىڭ ءبىرى وبلىس اكىمىنەن «ۇيعىر اۋدانىنىڭ اتاۋىن وزگەرتۋ جوسپاردا بار ما؟» دەپ سۇرادى.

«ۇيعىر اۋدانىنىڭ اتاۋىن وزگەرتۋ تۋرالى ماسەلە كوتەرىلگەن جوق، ازىرگە كوتەرىلمەيدى دە. بۇعان بايلانىستى قازىر ءبىرتالاي ماسەلە بار، بولاشاقتا مۇمكىن كوتەرىلىپ قالار. ءبىراق ءدال قازىر ونداي ماسەلە جوق»، - دەدى وبلىس اكىمى.

 الماتى وبلىسىنداعى ۇيعىر اۋدانىنىڭ اتاۋىن وزگەرتۋ تۋرالى ءسوز قوعامدا وقتىن- وقتىن ايتىلىپ قالىپ ءجۇر. ماسەلەنى كوتەرىپ جۇرگەندەردىڭ ايتۋىنشا، بۇل جەردىڭ تاريحي اتاۋى - شارىن، ۇيعىر اۋدانى دەگەن كەڭەس ۇكىمەتى تاڭعان ءسوز.