قىتاي تاراپىنان قازاقستاننىڭ وسىمدىك مايىنا سۇرانىس ارتتى
«KazOil 2017» قازاقستاننىڭ ءبىرىنشى ماي- توڭ ماي حالىقارالىق كونفەرەنسيا اياسىندا قىتايدىڭ ماي نارىعىنىڭ دامۋ ۇردىستەرى مەن ەرەكشەلىكتەرى جاريالاناتىن بولادى. بۇل رەتتە بايانداماشى ازياداعى جەتەكشى اگروونەركاسىپتىك توپتاردىڭ جەتەكشىسى - Wilmar International Limited كومپانياسى ەكەنىن ايتا كەتكەن ءجون.
ەستەرىڭىزگە سالا كەتەيىك، «KazOil 2017» قازاقستاننىڭ ءبىرىنشى حالىقارالىق ماي- توڭ ماي كونفەرەنتسياسىنىڭ استانا قالاسىندا 29 - قاراشاسىندا وتەدى. قازاقستاندا ماي- توڭ ماي سالاسىنىڭ جۇمىس ىستەۋى ءۇشىن وندىرىستىك سالادا، سونىمەن قاتار، وڭدەۋ سالاسىندا كوپتەگەن وزەكتى مىندەتتەردى شەشۋ قاجەت. وسى ماقساتپەن قازاقستاننىڭ ءبىرىنشى حالىقارالىق «KazOil 2017» ماي- توڭ ماي كونفەرەنتسياسى مەملەكەتتىڭ وكىلدەرىن مەن ەلدىڭ وكىمەتىن، سالالىق اسسوتسياتسيالاردى، اۋىل شارۋاشىلىق ءونىمىن وندىرۋشىلەردى مەن قايتا وندىرۋشىلەردى، رەسەي مەن ەاەو باسقا ەلدەرىنىڭ جانە كەدەندىك وداقتىڭ ماي نارىعىنىڭ قاتىسۋشىلارىن، الەمدىك ماي نارىعىنىڭ جەتەكشى ەكسپورتتارى مەن وپەراتورلارىن، اگرارلىق عىلىمنىڭ وكىلدەرىن، قازىرگى زاماناۋي تەحنولوگيالار مەن قۇرال- جابدىقتاردى جەتكىزۋشىلەردى- كومپانيالاردى جينايدى.
كونفەرەنسيانىڭ باستى دەمەۋشىسى مەن باستى سەرىكتەسى بولىپ «قازاقستاننىڭ بيداي وداعى» ز ت ق جانە Wilmar International Limited كومپانياسى قاتىسادى.
قىتاي سوڭعى جىلدارى قازاقستاننان شىعاتىن مايلى داقىل داندەرى مەن وسىمدىك مايلارىنىڭ باستى يمپورتتاۋشىسى. 2016-2017 م ج ەكسپورتتاۋدىڭ جالپى قۇرىلىسىندا مايلى داقىلداردىڭ داندەرى - 21, مايلار - 64 پايىزدى قۇرادى. قىتايدىڭ قازاقستاننان ساتىپ الىنعان جالپى مايلى داقىل داندەرىنىڭ كوبىسى بارلىق ەكسپورتتالعان داندەردىڭ جالپى ءونىمىنىڭ 101,15 مىڭ تونناسى - 37 پايىز كۇنباعىس داندەرىنە ساي كەلەدى.
مايلى داقىل داندەرىنىڭ اراسىندا جەتكىزۋدە ءبىرىنشى ورىندا كۇنباعىس مايى - 23,59 مىڭ توننانى (%64) ، ەكىنشى ورىندا زىعىر مايى - 12,50 مىڭ توننا ەكسپورتاۋ ۇلەسىنىڭ %89 قۇرادى.
جالپى العاندا قىتايعا قازاقستاننان ەكسپورتتالاتىن ماي ونىمدەرىنىڭ كولەمى 2016-2017 م ج 150,26 مىڭ تونناسى ماي داقىلدارىنىڭ داندەرى (كۇنباعىس، سويا، ماقتا جانە باسقا ماي داقىلدارىنىڭ داندەرى) جانە 40,90 مىڭ توننا وسىمدىك مايلارى قۇرادى (كۇنباعىس، زىعىر، سويا، راپس) .
قىتايدىڭ ماي ونىمدەرىنە دەگەن سۇرانىستىڭ ارتۋىن ەسكەرە وتىرىپ، قازاقستان نارىعىنىڭ الەۋەتى، وڭاي لوگيستيكاسى، قازاقستاننان جەتكىزىلەتىن ونىمدەر كولەمىنىڭ كوبەيۋى ابدەن زاڭدى. ونىڭ ۇستىنە، قىتاي جاعى قازاقستان اۋماعىنداعى اتالعان ءونىمنىڭ وندىرىسىنە ينۆەستيتسيا قۇيۋعا دايىن ەكەنىن اتاپ وتكەن ءجون. سونىمەن، اۋىل شارۋاشىلىعىنىڭ ءمينيسترى اسقار مىرزاحمەتوۆ قازان ايىنىڭ ورتاسىندا ءبىرقاتار قىتايلىق كومپانيالارمەن كەزدەسۋ جۇرگىزىپ، ونىڭ بارىسىندا قازاقستاننىڭ ماي- توڭ ماي سالاسىنا ينۆەستيتسيا قۇيۋ مەن ءوزارا ساۋدا ساتتىقتىڭ كولەمىن ۇلعايتۋ تۋرالى ماسەلەلەردى تالقىلاعان بولاتىن.
Wilmar International Limited كومپانياسى الەمدىك ماي نارىعىنىڭ ءىرى ويىنشىسى بولىپ تابىلادى. بۇگىنگى تاڭدا سينگاپۋردا شتاب- پاتەرى بار Wilmar International Limited ازياداعى جەتەكشى اگروونەركاسىپتىك توپ. Wilmar سينگاپۋر بيرجاسىندا ءىرى كومپانيالار قاتارىنا كىرەدى.
كومپانيا قىزمەتىنىڭ نەگىزگى باعىتتارى:
مايلى پالمالاردى ءوسىرۋ؛
ماي داقىلدارىن قايتا وڭدەۋ؛
تاعامدىق مايلاردى رافينادتاۋ؛
قاتتى قايتا وڭدەۋ جانە رافينادتاۋ؛
تۇتىنۋ تاۋارلارى، ارنايى مايلار، ولەوحيميكاتتار، بيوديزەلدەر جانە تىڭايتقىشتار ءوندىرىسى؛
ۇن ءوندىرىسى جانە كۇرىشتىڭ قايتا وڭدەلۋى.
Wilmar International Limited ستراتەگياسىنىڭ نەگىزىندە ءوسىرۋ، قايتا وڭدەۋ، مەرچاندايزينگتان باستاپ اۋىل شارۋاشىلىعى ءونىمىن ءوندىرۋدىڭ كەڭ اۋقىمدا سۇرىپتالۋىنان تۇراتىن اۋىل شارۋاشىلىق تاۋار بيزنەسىن قۇرۋدىڭ بارلىق تىزبەگىن قامتيتىن اگروبيزنەستىڭ ينتەگراتسيالانعان مودەلى جاتىر. كومپانيانىڭ قىتاي، ءۇندىستان، يندونەزيا جانە باسقا 50 گە جۋىق مەملەكەتتەردە 500 دەن استام زاۋىت- وندىرۋشىلەرى جانە اۋقىمدى ديستريبيۋتورلىق جەلىسى بار.
الەمدەگى 500 ءىرى كومپانيالار Fortune Global 500 رەيتينگىندە Wilmar International Limited كوسپانياسى 317 ورىندى يەلەنۋدە.
سوندىقتان قازاقستاندا ءبىرىنشى رەت وتكىزىلەيىن دەپ وتىرعان ماي- توڭ ماي حالىقارالىق كونفەرەنسياسى ەلىمىز ءۇشىن بەرەرى مول.
ەركىن قالدان
«ايقىن»
