وسكەمەن اكىمىنىڭ ورىنباسارى جازاسىن قوعامدىق كولىكتە وتەيتىن بولدى

استانا. قازاقپارات - وسكەمەن قالاسىنىڭ اكىمى قۋات تۇمابايەۆ ءوزىنىڭ ورىنباسارى راسۋل ماناپوۆقا ەكى اي بويى قىزمەتتىك كولىكتى پايدالانۋعا تىيىم سالدى.

 بۇگىنگى كۇننەن باستاپ، قاڭتار ايىنىڭ بىرىنە دەيىن ول جۇمىسقا قوعامدىق كولىكپەن كەلەتىن بولادى، دەپ حابارلايدى «قازاقپارات» ح ا ا ءتىلشىسى وسكەمەن قالاسى اكىمىنىڭ باسپا ءسوز حاتشىسى اسەم سەكسەنوۆاعا سىلتەمە جاساپ.

«ق ر مەملەكەتتىك قىزمەت ىستەرى اگەنتتىگىنىڭ ش ق و بويىنشا دەپارتامەنتىنىڭ ەتيكا بويىنشا كەڭەسىندە وسكەمەن قالاسى اكىمىنىڭ ورىنباسارى راسۋل ماناپوۆتىڭ قىزمەتتىك كولىكتى جەكە پايداسىنا جاراتقانى تۋرالى شۋلى وقيعا تاراعان بولاتىن. قازان ايىندا، جەكسەنبى كۇنى راسۋل ماناپوۆ دەمالىس بازاسىنا ءوزىنىڭ قىزمەتتىك كولىگىمەن بارىپ، دەمالىپ جۇرگەنى بەلگىلى بولعان»، - دەپ حابارلايدى باسپا ءسوز قىزمەتىنەن.

قالا اكىمىنىڭ ورىنباسارى وزىنە تاعىلعان كىنانى تولىق مويىنداپ، «وسكەمەن ءتارتىپ» كاسىپورنىندا 20 ساعات قوعامدىق جۇمىس اتقارۋعا مىندەتتەلگەن. سونىمەن بىرگە، ول مەملەكەتكە كەلتىرىلگەن شىعىندى وتەيتىن بولدى. بۇعان قوسا ول قالا اكىمىنىڭ مىندەتتەۋىمەن قاڭتار ايىنىڭ بىرىنە دەيىن قىزمەتتى كولىكتى پايدالانۋدان شەكتەلىپ، جۇمىسقا قوعامدىق كولىكپەن كەلەتىن بولدى.

 اۆتور: ايان بەكەن ۇلى