كوشى- قون ورتالىعى اشىلادى
الداعى ۋاقىتتا سولتۇستىك قازاقستان وبلىسىندا كوشى- قون سالاسىنداعى قىزمەتتەردى كورسەتۋ شارتتارى جاقسارادى. پەتروپاۆل قالاسىندا كوشى- قون قىزمەتى حالىققا قىزمەت كورسەتۋ ورتالىعى اشىلاتىن بولدى.
- جاڭادان تۇرعىزىلعان توعىز قاباتتى تۇرعىن ءۇيدىڭ ءبىرىنشى قاباتىندا ورنالاسقان فرونت- وفيس سوڭعى ۇلگىدەگى قاجەتتى سانالاتىن بارلىق تالاپتارعا جاۋاپ بەرەتىن بولادى. جوسپار بويىنشا كوشى- قون قىزمەت كورسەتۋ ورتالىعى جالپى اۋماعى 500 شارشى مەتر جەرگە ورنالاسادى. كەلۋشىلەر ءۇشىن قولايلى جاعدايلار جاسالىپ، ۇزاق كۇتىپ وتىراتىن ادامدارعا جايلى ورىندىقتار قويىلادى، ەلەكتروندىق كەزەك جۇيەسى جۇمىس ىستەيتىن بولادى، بارلىق ساناتتاعى ازاماتتاردىڭ ءجۇرىپ- تۇرۋىنا ىڭعايلى جاعداي جاسالادى، مۇگەدەكتەر ءۇشىن عيماراتقا كىرەتىن جول پاندۋسپەن جانە شاقىرۋ تۇيمەسىمەن جابدىقتالعان، 300 شارشى مەتر اۋماقتا رەتسەپشن جۇمىس ىستەيتىن ورىن، كۇتۋ زالى جانە مەملەكەتتىك قىزمەت كورسەتۋ نۇكتەلەرى، تولەمدەر قابىلدايتىن كاسسالارى بار وپەراتسيالىق زال ورنالاسادى دەپ جوسپارلانعان.
كوشى- قون قىزمەتىنىڭ قىزمەتكەرلەرى وتىراتىن كابينەتتەر دە وسى عيماراتتا ورنالاسادى، - دەيدى سولتۇستىك قازاقستان وبلىستىق كوشى- قون پوليتسياسىنىڭ باستىعى تالعات ءابىلوۆ.
ورتالىقتىڭ نەگىزگى مىندەتى - حالىققا كوشى- قون سالاسىندا بارىنشا ىڭعايلى قىزمەتتەر سپەكترىن ۇسىنۋ. تالعات ءابىلوۆتىڭ ايتۋىنشا، قازىرگى ۋاقىتتا سولتۇستىك قازاقستان وبلىستىق كوشى- قون پوليتسياسى حالىققا 17 ءتۇرلى مەملەكەتتىك قىزمەتتەردى كورسەتەدى، ونىڭ 8 ى «ازاماتتارعا ارنالعان ۇكىمەت» مەملەكەتتىك كورپوراتسياسى ۇاق- نىڭ سولتۇستىك قازاقستان وبلىسى بويىنشا فيليالىنىڭ «حالىققا قىزمەت كورسەتۋ ورتالىعى» دەپارتامەنتى ارقىلى جۇزەگە اسىرىلادى. جىل باسىنان بەرى وبلىس بويىنشا 19 مىڭنان استام شەتەلدىكتەر ۋاقىتشا تىركەلگەن، 2200 ەڭبەك پاتەنتتەرى بەرىلگەن.
كوشى- قون زاڭناماسىن بۇزعان 2972 شەتەلدىك جاۋاپقا تارتىلدى، ولاردىڭ 163 ى سوت شەشىمىمەن ەلدەن شىعارىلدى.
قايىرجان تورەجان
