موڭعوليالىق قازاق مينيستر قازاقستاننان كەلگەن بيزنەس- دەلەگاتسيانى قابىلدادى
دەپ حابارلايدى «قازاقپارات» ح ا ا.
ۇلتتىق كومپانيا مالىمەتىنشە، ترانسفورماتورلار، كۇزەت جۇيەسى مەن ءورت ءسوندىرۋ، اككۋمۋلياتور باتارەياسى، ۆاكۋۋمدى سوندىرگىشتەر، جىلۋمەن قامتۋ قۇبىرلارى، گەرمەتيكا، تەرەزە جانە ەسىك فۋرنيتۋرالارى، تالشىق تاس سەمەنتتەر، ءدارى- دارمەك، قاتپارجاشىك، اس جانە تەحنيكا تۇزدارى، بالمۇزداق، ماي ونىمدەرىن وندىرەتىن 14 ءوندىرۋشى موڭعوليانىڭ 100-گە جۋىق كوتەرمە ساۋدا جانە ديستريبيۋتورلىق كومپانيالارىنىڭ وكىلدەرىمەن ءوز ونىمدەرىن جەتكىزۋ تۋرالى كەلىسسوزدەر جۇرگىزدى.
«موڭعوليا- قازاقستان» بيزنەس فورۋمنىڭ ماقساتى - ەكى ەل اراسىنداعى بيزنەستى جاقىنداتۋ. بۇگىن اتالعان سالالاردان باسقا، ۋران، التىن وڭدەۋ باعىتتارى بويىنشا ىنتىماقتاستىق الەۋەتىن ارتتىرۋ ماڭىزدى، قۇرىلىس، قاۋىپسىزدىك ماسەلەلەرىن شەشۋ، تۇرعىن ءۇي كوممۋنالدىق شارۋاشىلىعى سالالارىنداعى قازاقستاننىڭ تاجىريبەسى موڭعول تاراپىنا وتە قىزىقتى»، - دەدى موڭعولياداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى ك. قوبىلاندين.
«قازاقستاندىق دەلەگاتسيامەن كەزدەسكەنىمىزگە وتە قۋانىشتىمىز. موڭعوليادا قۇرىلىس كولەمى ارتىپ كەلەدى. ارينە جەكە قۇرىلىستار باسىم، الايدا بيۋدجەتتىك قۇرىلىستار دا سالىنىپ جاتىر. «موڭعوليا- قازاقستان» بيزنەس- فورۋمىنىڭ وتكىزىلۋى - ەكىجاقتى ىنتىماقتاستىقتى نىعايتۋدىڭ تاعى ءبىر امالى، ەكى ەل اراسىنداعى تاۋار اينالىمىن تابىستى ارتتىرۋدىڭ كەپىلى. موڭعول كومپانيالارىمەن بايلانىس ورناتۋداعى ىستەرىڭىزگە ساتتىلىك تىلەيمىن. مەن ءوز تاراپىمنان قازاق حالقىمەن بايلانىستى دامىتۋعا قولداۋ كورسەتەتىن بولامىن»، - دەدى موڭعوليانىڭ قالا قۇرىلىسى جانە قۇرىلىس ءمينيسترى بەدەلحان حاۆديسلام (شىعۋ تەگى بويىنشا - ەتنيكالىق قازاق).
