الەمگە «ۆا بانك»، «ىستىق ۇيا» تەلەحيكايالارى ارقىلى تانىلعان كارىس اكتريساسى تۇرمىسقا شىقتى - فوتو
ولاردىڭ ۇيلەنۋ تويى كەشە، 31 -قازان كۇنى ءوتتى، دەپ حابارلايدى «قازاقپارات» ح ا ا اكتەردىڭ Instagram پاراقشاسىنا سىلتەمە جاساي وتىرىپ.
بيىل 36 عا تولعان سون حە گە مەن دوراماداعى ارىپتەسى 32 جاستاعى سون چجۋن كي تويلارىن جاقىن تۋىستارى مەن دوستارى اراسىندا اتاپ ءوتتى.
ايتا كەتەيىك، كارىس اكتەرلەرى سون چجۋن كي جانە سوڭ حە گە «كۇن ۇرپاقتارى» تەلەحيكاياسىندا بىرگە ويناپ، ماحابباتتارى سول جوبادان كەيىن وربىگەن. بۇعان دەيىن ەكى اكتەردىڭ شىن ومىردە دە كەزدەسىپ جۇرگەندەرى جايلى ءتۇرلى قاۋەسەت شىققان بولاتىن.
ەسكە سالايىق، سون حە گە ونەر جولىن 1996 -جىلى «باقىتتى كۇن» تەلەحيكاسىنا ءتۇسۋ ارقىلى باستاعان ەدى. ول «جۇرەگىمدە قالعان كۇز» سەريالىنان كەيىن تانىمالدىلىققا يە بولدى. سونىمەن قاتار، كورەيادا عانا ەمەس، ازيانىڭ كوپتەگەن ەلدەرىندە كورسەتىلگەن «نار تاۋەكەل» ("All In")، «ۆا- بانك»، «ىستىق ۇيا» تەلەحيكايالارىندا باستى ءرولدى سومداپ، كورەرمەننىڭ ىستىق ىقىلاسىنا بولەنگەن ەدى.
ال سون چجۋن كي "سونگيۋنگۆانداعى جانجال" (Sungkyunkwan Scandal)، «كۇن ۇرپاقتارى» (Descendants of the Sun) دوراماسى ارقىلى تانىلعان. وسى جەتىستىگىنەن كەيىن اكتەر وڭتۇستىك كورەيادا سۇرانىسى ەڭ جوعارى اكتەرلەردىڭ قاتارىنان ورىن الدى.
