09:05, 01 - قاراشا 2017 | GMT +6
پوليتسيا جول بويىنداعى ادامدارعا پىشاق الا جۇگىرگەن ەر ادامدى اتىپ تاستادى
استانا. قازاقپارات - تاللين ورتالىعىندا جالاڭاياق ەر ادام قولىنا پىشاق الىپ جۇرگەن.
ەستونيا پوليتسياسى تاللين ورتالىق الاڭىندا جولدا كەتىپ بارا جاتقان ادامداردى پىشاقپەن قورقىتىپ جۇرگەن ەر ادامدى اتىپ تاستادى.
بۇل تۋرالى ERR.ee باسىلىمى حابارلادى. پوليتسياعا ۆابادۋزە الاڭىنا قاراي قولىندا پىشاعى بار جالاڭاياق ەر ادامنىڭ كەلە جاتقانىن حابارلاعان.
قۇقىق قورعاۋشىلار وعان سۋىق قارۋدى تاستاۋىن تالاپ ەتكەن، الايدا ەر ادام ولاردىڭ ءسوزىن قۇلاققا ىلمەگەن. ولار ەسكەرتۋ رەتىندە ءۇش رەت اسپانعا وق اتقان.
«بۇدان كەيىن ەر ادام پوليتسەيلەرگە قاراي جۇگىرگەننەن كەيىن، ولار ەر ادامدى اتىپ تاستاعان»، - دەپ حابارلادى پوليتسيا.
اۋىر جاراقاتىمەن سولتۇستىك ەستونيا وڭىرلىك اۋرۋحاناسىنا جەتكىزىلگەن ەر ادام قايتىس بولعان. وقيعا كەزىندە ەشكىم زارداپ شەكپەدى.
