رەسەيدە كول اياق استىنان جەر استىنا كەتتى - كەسكىن
استانا. قازاقپارات - رەسەيدەگى ۆلاديمير قالاسىنىڭ تۇبىندە، ورمان اراسىندا ورنالاسقان تەرەڭدىگى 20 مەترلىك ساكانتسى كولى جەر استىنا كەتتى.
سۋدىڭ ورنىندا باتپاق باسقان ۇلكەن شۇڭقىر عانا قالدى. مۇنداعى بارلىق بالىقتار دا ءىز- ءتۇزسىز جوعالدى، دەپ حابارلايدى «360» تەلەارناسى.
«قازىر بۇل جەردە، كولدىڭ تابانىندا سۋدى ۇستاپ تۇرعان قالىڭدىعى ەكى مەترگە جۋىق بالشىق قانا جاتىر. شاماسى، نوسەر جاڭبىردان كەيىن بالشىق قاباتىنىڭ وسال تۇسىنان شۇڭقىر پايدا بولىپ، سۋ جەر استىنا اعىپ كەتكەن»، - دەيدى ۆلاديمير وبلىسى تابيعاتتى پايدالانۋ جانە قورشاعان ورتانى قورعاۋ دەپارتامەنتىنىڭ ديرەكتورى الەكسەي ميگاچەۆ.
ەگەر ويىلىپ كەتكەن شۇڭقىر بالشىققا تولار بولسا، كول قايتا قالپىنا كەلۋى دە مۇمكىن.
