شىمكەنتتە مەكتەپ وقۋشىلارى ءيسشىل ءيت ۇيرەتۋشىلەردىڭ جۇمىسىمەن تانىستى - فوتو
بالالارعا قىزمەتتىك پوليتسەي-يتتەردىڭ جاتتىعۋلارىن كورسەتىپ، كينولوگتاردىڭ جۇمىسىمەن تانىستىردى، دەپ حابارلايدى قازاقپارات ءتىلشىسى.
اتالعان ءىس- شارا ەسىرتكىگە قارسى كۇرەس جانە جاستار اراسىنداعى ەسىرتكى قىلمىستارىنىڭ الدىن الۋ ماقساتىندا وتكىزىلدى. سونداي-اق، قىلمىسكەرلەردى ۇستاۋدا جانە قىلمىستى اشۋدا يتتەردىڭ قىزمەتىن ناسيحاتتاۋ بولدى. مەكتەپ وقۋشىلارى قىزمەتتىك يتتەردى ۇستايتىن ورىنداردى ارالاپ، ولاردىڭ تىنىس- تىرشىلىگىمەن تانىستى. كينولوگتار مەن قىزمەتتىك يتتەر وزدەرىنىڭ ەسىرتكى زاتىن، جارىلعىش زاتتاردى تابۋ، سونداي-اق، بىرنەشە بۇيرىقتى ورىنداۋ سەكىلدى جۇمىستاردى قالاي اتقاراتىنىن كورسەتتى.
ءتارتىپ ساقشىلارى ەكسكۋرسيا بارىسىندا وقۋشىلارعا كينولوگتار نەمەن اينالىساتىنىن جانە پوليتسيادا قىزمەت اتقاراتىن يتتەردىڭ تۇرلەرى قانداي بولۋ كەرەكتىگىن اڭگىمەلەپ بەردى. پوليتسەيلەر ءتورتاياقتى كومەكشىلەردىڭ ەڭ باستى قارۋى قىلمىستى اشۋعا ءيىس سەزۋ جانە ەستۋ قابىلەتىنىڭ مىقتى بولۋ كەرەكتىگىن اتاپ ءوتتى.
كەزدەسۋ سوڭىندا مەكتەپ وقۋشىلارى ءتارتىپ ساقشىلارىنا وزدەرى قىزىقتىرعان سۇراقتارىن قويىپ، تۇشىمدى جاۋاپ الدى. بالالار يتتەر قالاي قىلمىس اشقانى مەن قىلمىسكەرلەردىڭ ىزىنە تۇسكەنىن ەرەكشە قىزىعۋشىلىقپەن تىڭدادى.
