مينيستر مۇحامەدي ۇلى جاڭا الىپبيگە ءوتۋ ءۇشىن قانشا اقشا جۇمسالاتىنىن ايتتى

استانا. قازاقپارات - قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى لاتىن گرافيكاسىنداعى جاڭا قازاق الىپبيىنە اۋىسۋعا قانشا شىعىن كەتەتىنىن ايتتى.

ۆەدومستۆو باسشىسىنىڭ سوزىنشە، كەلەسى جىلى مينيسترلىك بۇل ماقساتقا 56 ميلليون تەڭگە سۇراپ وتىر.

«بۇل ۇلكەن جوبا، وعان ايتارلىقتاي قارجى كەرەك. قازىرگى تاڭدا مادەنيەت جانە سپورت مينيسترلىگى تاراپىنان 2018 -جىلعا ءبىز 56 ميلليون تەڭگە سۇراپ وتىرمىز»، - دەيدى مينيستر و ك ق- داعى بريفينگ كەزىندە.

ول جاڭا ءالىپبي ساتىلاي ەنگىزىلەتىنىن ەسكە سالدى. «بىرىنشىدەن، ۇكىمەت جۇمىس توبىن قۇرادى. ەكىنشىدەن، ورفوگرافيالىق- لينگۆيستيكالىق كوميسسيا قۇرىلادى. لاتىن گرافيكاسىنىڭ نەگىزىندە جاڭا ورفوگرافيالىق ەرەجەلەر جانە قازاق ءتىلىنىڭ ۇلكەن ورفوگرافيالىق سوزدىگى جاسالادى. ۇشىنشىدەن، ءنورماتيۆتى- قۇقىقتىق بازا قاجەت»، - دەپ ءتۇسىندىردى مينيستر. ونىڭ ايتۋىنشا، وسى مىندەتتەر اتقارىلعاننان كەيىن عانا وقۋ-ادىستەمەلىك قۇرالداردى، كوركەم جانە باسقا دا قاجەتتى ادەبيەتتەردى دايىنداۋ مەن باسىپ شىعارۋعا كىرىسۋ كەرەك.

«ارينە جاڭا ءالىپبيدى قوعام اراسىندا ب ا ق ارقىلى ىلگەرلەتەمىز. سونىمەن قوسا، جاڭا ءالىپبيدىڭ قولدانۋ اياسىن كەڭەيتۋ ءۇشىن جارنامادا قولدانۋ قاجەت. ارنايى ۇيرەنەتىن پورتال مەن كونۆەرتەر جاساۋ كەرەك»، - دەپ اياقتادى مينيستر.

 

Kaz.tengrinews.kz