ماسكەۋ اسپانىنداعى ۇشاققا جاي ءتۇستى
استانا. قازاقپارات - ماسكەۋدىڭ دومودەدوۆو اۋەجايىندا اۋەدەگى ۇشاقتى نايزاعاي سوقتى. بۇل جايلى رەن ت ۆ حابارلادى.
ابىروي بولعاندا، وتكەن جەكسەنبى كۇنى بولعان وقىس وقيعادان ادامدار زارداپ شەكپەگەن، ۇشاق ءساتتى قونعان. جەرگە قونعان سوڭ تەحنيكالىق تەكسەرۋ كەزىندە لاينەردىڭ راديوستانساسىنا زاقىم كەلگەنى بەلگىلى بولدى. بۇدان تىس، ماماندار قوزعالتقىشتىڭ كاپوتىندا ەلەكتر رازريادىنىڭ ىزدەرىن تاپتى. 6 - قىركۇيەكتە ماسكەۋدە وسىعان ۇقساس ەكى وقيعا بولعان ەدى. ءبىرىنشى وقيعا تاڭەرتەڭ شەرەمەتيەۆو اۋەجايىنا ۇشاقتىڭ قونار ساتىندە، ەكىنشىسى كەشكىسىن بولعان. ۇشاقتاردىڭ ەكەۋى دە ءساتتى قونا العان.
