عابيدوللا ءابدىراحىموۆ «نۇر وتان» پارتياسىنىڭ حاتشىسى بولىپ تاعايىندالدى
ال زاۋىتبەك تۇرىسبەكوۆ باسقا قىزمەتكە اۋىسۋىنا بايلانىستى اتالعان قىزمەتتەن بوساتىلدى، دەپ حابارلايدى ساياسي ۇيىمنىڭ باسپا ءسوز قىزمەتى.
مۇحتار قۇل- مۇحاممەد ز. تۇرىسبەكوۆكە پارتيا قاتارىنداعى ءتيىمدى ەڭبەگى ءۇشىن ريزاشىلىعىن ءبىلدىرىپ، جاڭا دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى قىزمەتىنە تابىس تىلەدى. زاۋىتبەك قاۋىسبەك ۇلى اتالعان قىزمەتكە وسى جىلدىڭ ماۋسىم ايىندا تاعايىندالعان بولاتىن.
ءابدىراحىموۆ عابيدوللا راحماتوللا ۇلى 1975 -جىلى 23 - قاڭتاردا وڭتۇستىك قازاقستان وبلىسىندا دۇنيەگە كەلدى. ەكونوميست جانە مەملەكەتتىك اكىمشىلىكتىك باسقارۋ ماماندىقتارى بويىنشا جوعارى ءبىلىم العان. قازاق، ورىس، نەمىس جانە اعىلشىن تىلدەرىن جەتىك مەڭگەرگەن. ءار جىلدارى جاۋاپتى باسشىلىق قىزمەتتەردە بولدى. اتاپ ايتقاندا، مەملەكەتتىك قىزمەت ىستەرى اگەنتتىگىنىڭ ءتوراعاسى، باسەكەلەستىكتى قورعاۋ اگەنتتىگىنىڭ ءتوراعاسى، پرەمەر- مينيستر كەڭسەسىنىڭ جەتەكشىسى، پرەزيدەنت اكىمشىلىگى باسشىسىنىڭ ورىنباسارى قىزمەتتەرىن ابىرويمەن اتقاردى. ع. ءابدىراحىموۆ «نۇر وتان» پارتياسىنىڭ حاتشىسى قىزمەتىنە دەيىن شىمكەنت قالاسىنىڭ اكىمى بولدى.
