قازاقستان قۇراستىرىلعان كولىكتەر قىتاي، تاجىكستان نارىعىنا شىعارىلۋدا

استانا. قازاقپارات - قازاقستاندا قۇراستىرىلعان كولىكتەر قىتاي، تاجىكستان نارىعىنا شىعارىلۋدا. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ايتتى، دەپ حابارلايدى قازاقپارات.

«بۇگىنگى كۇنى وڭدەۋشى ونەركاسىپتىڭ قازاقستاندىق ءونىمى 115 ەلگە ەكسپورتتالادى. كەيبىر تاۋارلىق پوزيتسيالار بويىنشا جاڭا وتكىزۋ نارىقتارى اشىلدى. العاش رەت «ازيا اۆتو» جەڭىل كولىكتەرى ق ح ر- عا، «سارى ارقا» اۆتوونەركاسىپ كولىكتەرىن تاجىكستانعا ەكسپورتتالۋدا. اۋىل شارۋاشىلىعى ماشينا جاساۋ ونىمدەرى - «دونمار» كومپانياسى وندىرەتىن ونىمدەرى بىرنەشە جىلدان بەرى رەسەي نارىعىنا شىعارىلۋدا. جىل سايىن 380-نەن اسا ەكسپورتتاۋشىلار قارجىلىق جانە سەرۆيستىك قولداۋعا يە بولادى»، - دەدى مينيستر.

 ونىڭ ايتۋىنشا، شيكىزاتتىق ەمەس ەكسپورتتى قولداۋ جۇيەسىن قۇرۋ ماقساتىندا اعىمداعى جىلى ۇلتتىق ەكونوميكا مينيسترلىگى جانە ۇكىمەتپەن ۇلتتىق ەكسپورتتىق ستراتەگيا ازىرلەندى.

«يندۋستريالاندىرۋ ناتيجەسىندە ءبىز وڭدەۋشى ونەركاسىپتى ينۆەستيتسيالار تارتۋ ءۇشىن تارتىمدى ەتە الدىق. سوڭعى 7 جىلدىڭ ىشىندە وڭدەۋشى سەكتورعا 26 ميلليارد ا ق ش دوللارىنان استام تىكەلەي شەتەلدىك ينۆەستيتسيالار تارتىلدى. ينۆەستيتسيالار قۇرىلىمىنداعى وڭدەۋشى ونەركاسىپتىڭ ۇلەسى 19,5 پايىزعا ءوستى. ءوسۋ تەندەنسياسى وسى جىلدا دا ساقتالدى، 2017 -جىلعى 1-جارتىجىلدىقتا تىكەلەي شەتەل ينۆەستيتسياسىنداعى وڭدەۋشى ونەركاسىپتىڭ ۇلەسى 22,8 پايىزعا دەيىن ءوستى»، - دەدى جەڭىل قاسىمبەك.

مۇنان بولەك، مينيستر مەملەكەت باسشىسىنىڭ تاپسىرماسىن ورىنداۋ اياسىندا ينۆەستيتسيالىق كليماتتى جاقسارتۋ ءۇشىن الەمدىك بانكپەن بىرلەسە وتىرىپ، 2018-2022 -جىلدارعا ارنالعان ينۆەستيتسيالىق ستراتەگيا ازىرلەنگەنىن ايتتى.

اۆتور: مارلان جيەمباي