ينتەرنەت ارقىلى نەكەگە وتىرۋعا بولا ما؟

اتالعان باسىلىمنىڭ «ەلەكتروندى ۇكىمەت» پورتالى ارقىلى نەكەگە قالاي وتىرۋعا بولادى دەگەن ساۋالىنا وسكەمەن قالالىق ادىلەت باسقارماسىنىڭ مامانى سالتانات ورالبايەۆا جاۋاپ بەرگەن.

«راس، پورتال وسىنداي قىزمەتتى ۇسىنادى. ول ءۇشىن ءسىز eGov.kz پورتالىنا كىرەسىز. سودان كەيىن اۆتورلاناسىز جانە «قىزمەتكە ونلاين تاپسىرىس بەرۋ» باتىرماسى بويىنشا وتەسىز. وتىنىمدە ەرىنىڭ/زايىبىنىڭ ج س ن- ءىن كورسەتۋ جانە نەكە تىركەلەتىن ج ا و تىركەۋ ءبولىمىن تاڭداۋ كەرەك. وتىنىمگە ە ت س ق قويۋ (ەلەكتروندى سيفرلىق قولتاڭبا) قاجەت.

ءوتىنىش 48 ساعاتتان ارتىق ەمەس راستاۋدى كۇتۋى مۇمكىن، ودان كەيىن كۇشىن جويادى. ەلەكتروندىق ءوتىنىم بەرۋ ءۇشىن ەكى ءوتىنىش بەرۋشى دە نەكەگە العاش وتىرعان بولۋى جانە بالالارى بولماۋى قاجەت.

ەكىنشى جانە ودان كەيىنگى نەكەنى تىركەۋگە ءوتىنىشتى پورتال ارقىلى بەرۋ مۇمكىن ەمەس. ەرلەر مەن ايەلدەر ءۇشىن نەكە (ەرلى-زايىپتى بولۋ) جاسى - 18 جاس. نەكەنى (ەرلى- زايىپتىلىقتى) مەملەكەتتىك تىركەۋدى نەكەگە وتىرۋ (ەرلى-زايىپتى بولۋ) تۋرالى بىرلەسكەن ءوتىنىش بەرىلگەن كۇننەن باستاپ ءبىر اي مەرزىم وتكەن سوڭ تىركەۋشى ورگان جۇرگىزەدى.

مەرزىمنىڭ ءوتۋى ءوتىنىش بەرىلگەننەن كەيىنگى كەلەسى كۇننەن باستالادى جانە كەلەسى ايدىڭ ءتيىستى كۇنى بىتەدى.

ەگەر وسى كۇن جۇمىس كۇنى بولماسا، وندا ودان كەيىنگى جۇمىس كۇنى مەرزىمنىڭ اياقتالعان كۇنى بولىپ ەسەپتەلەدى. انىعىراق ءبىرىڭعاي بايلانىس ورتالىعىنىڭ 1414 نومىرىنەن الا الاسىز»، - دەيدى سالتانات ورالبايەۆا.