جاساندى سانا ميلليارد جىلدان بەرى بار

كوننەكتيكۋت ۋنيۆەرسيتەتى جانە پرينستونداعى زەرتتەۋ ينستيتۋتىنىڭ مامانى -  سيۋزان شنايدەر جاساندى ينتەللەكتتىڭ بۇرىننان بار ەكەنىن العا تارتادى. «مەن وزگە عالامشارلىقتاردىڭ دامۋى بيولوگيالىق وركەنيەت كوزى دەپ ايتا المايمىن» دەيدى. دامىعان وزگە عالامشارلىقتار پوستبيولوگيالىق وركەنيەت بولادى نەمەسە جاساندى ساناعا نەگىزدەلەدى. سيۋزان شنايدەر ءوزىنىڭ زەرتتەۋ جۇمىسى كەزىندە: «وزگە عالامشارلىقتار قالاي ويلانادى؟ ولاردا تۇيسىك بار ما؟ » دەگەن سۇراقتارعا جاۋاپ ىزدەيدى.

ءبىرىنشى -  «قىسقا باقىلاۋ تەرەزەسى». قوعام عارىشپەن بايلانىسقا تۇسەتىن تەحنولوگياعا قول جەتكىزگەن كۇنى بيولوگيالىق ءتۇر ءجۇز جىل ىشىندە جاساندى ساناعا اينالادى. «قىسقا باقىلاۋ تەرەزەسى» ارقىلى ءبىز وزگە عالامشارلىقتاردىڭ پوستبيولوگيالىق ءتۇر ەكەنىن اڭعاراتىن بولامىز.

ەكىنشى -  «وزگە عالامشارلىقتار وركەنيەتىنىڭ ءوسۋى». SETI ورتالىعى وزگە عالامشارلىقتاردىڭ ادامداردان وتە ەرتەدە پايدا بولعانىن العا تارتادى. ءتىپتى 1,7 ميلليارد جىلدان 8 ميلليارد جىل ارالىعى كورسەتىلگەن. ەگەر بۇل تۇجىرىم شىندىق بولسا، ولاردىڭ بىزدەن اقىلدى ەكەنى ءسوزسىز. ءبىز تەك عالامشارلىق جاندىكتەر عانا بوپ قالۋىمىز مۇمكىن. ەڭ قىزىعى ولار بيولوگيالىق ءتۇر بولسىن، پوستبيولوگيالىق ءتۇر يەسى بولسىن جاساندى سانا يەسى بولا الادى. ولاردىڭ ميلارى اۋليەلىك دەڭگەيگە ءوتىپ كەتكەن.

ءۇشىنشى -  ولار ءبىز سەكىلدى وتتەگى كوزىنە بايلانىپ قالماعان. ولار ءولىپ- قايتا ءتىرىلۋ ءۇردىسىن جاساي الۋى مۇمكىن. جاساندى سانانىڭ دامۋى تۋرالى وسى جەردە ايتىپ كەتۋگە بولادى. ياعني ولار كەز كەلگەن جەرگە بەيىم جانە ءومىر ءسۇرىپ كەتە الادى.

Massaget.kz