شىعىس نە وڭتۇستىك دەپ ءبولۋدى قويۋ كەرەك - بەردىبەك ساپاربايەۆ

 استانا. قازاقپارات - اقتوبە وبلىسىنىڭ اكىمى بەردىبەك ساپاربايەۆ شىعىس قازاقستاننان، وڭتۇستىكتەن كادرلار اكەلمەيتىنىن ايتتى.

سول سەبەپتى شىعىس نە وڭتۇستىك دەپ ءبولۋدى قويۋدى، قولىنان ءىس كەلەتىندەردى تاعايىنداۋ كەرەگىن و ك ق- دا وتكەن باسپا ءسوز ءماسليحاتىندا مالىمدەدى، دەپ حابارلايدى Baq.kz ءتىلشىسى.

بۇل اڭگىمە جۋرناليست ساۋالىنان باستالدى. «مەملەكەت باسشىسى وبلىس اكىمدەرىنە ءوز كومانداسىن جيناۋعا تىيىم سالدى. سوڭعى كەزدە اۋدان اكىمدەرى ش ق و، وڭتۇستىكتەن تاعايىندالا باستادى. جەرگىلىكتى اقتوبەلىك كادرلارى جۇمىس ىستەي المايدى دەگەن ءسوز بە؟ » دەگەن جۋرناليست سۇراعىنا بەردىبەك ساپاربايەۆ كەلەسىدەي جاۋاپ بەردى.

«اقتوبەنىڭ كادرلارى جۇمىس ىستەي المايدى دەپ ايتا الامايمىز. بىزگە بەرىلگەن تاپسىرما بار. ەڭ ءبىرىنشى ەكونوميكانى دامىتۋ كەرەك. سول ارقىلى حالىقتىڭ تۇرمىسىن جاقسارتۋىمىز كەرەك. قولىنان ءىس كەلەتىندەردى تاعايىنداۋ كەرەك. مەنىڭ ويىمشا ءبىز ەندى شىعىس دەپ، ءيا بولماسا وڭتۇستىك دەپ ءبولۋدى قويۋىمىز كەرەك قوي دەيمىن. قولىنان ءىس كەلەتىن ماماندار جۇمىس جاساۋى كەرەك. اقتوبەدە بىلىكتى كادرلار جوق دەپ ايتا المايمىن. مەنىڭ ورىنباسارلارىم، دەپارتامەنت باسشىلارى اراسىندا اقتوبەلىكتەر، بارلىق جەرگىلىكتى كادرلار اقتوبەلىكتەر»، - دەپ جاۋاپ بەردى بەردىبەك ماشبەك ۇلى.

 

نازەركە ابيبۋللا