ءماجىلىس دەپۋتاتى گەننادي شيپوۆسكيح ءمولدىر ەسىمدى قىزىلوردالىق قىزبەن وتاۋ قۇردى - فوتو
بۇل تۋرالى قازاقپارات حابارلايدى.
گەنناديدىڭ سۇيىكتىسىنىڭ ەسىمى - ءمولدىر. قوس عاشىقتىڭ تويى قىزىلوردا مەيرامحانالارىنىڭ بىرىندە ءوتتى. ماجىلىسمەن 1989 -جىلى قىزىلوردا وبلىسى ارال اۋدانى سەكسەۋىل اۋىلىندا دۇنيەگە كەلگەن. ول 2004 -جىلى اكەسى شيپوۆسكيح گەننادي پاۆلوۆيچ پەن اناسى كۋليكوۆا ليديا نيكولايەۆنا قايتىس بولعاننان كەيىن ماكارەنكو اتىنداعى بالالار ۇيىنە تاپسىرىلعان بولاتىن.
سول جىلى ونى بەس بالانىڭ اتا-اناسى اتانىپ وتىرعان فەرمەر مۇرات ناسىروۆ پەن ايەلى بايان بيماعانبەتوۆا اسىراپ العان. گەننادي ءوزىن «كەۋدەسىندە قازاقتىڭ جانى بار ورىس» دەپ اتايدى.
«قازاق ءتىلىنىڭ جاقىن بولىپ كەتكەنى سونشالىق، وسى تىلدە ويلايمىن. قازاق بالاباقشاسىنا بارىپ، قازاق مەكتەبىندە وقىعانمىن. بالالىق شاعىمداعى دوستارىمنىڭ بارلىعى - قازاق. ءوزىمدى دە ناعىز قازاق سەزىنەمىن»، - دەيدى ول.
ول 2016 -جىلدىڭ 24 -ناۋرىزىنان باستاپ ق ر پارلامەنتى ءماجىلىسىنىڭ دەپۋتاتى بولىپ تاعايىندالعان.
