شىعىستىڭ «التاي» قۇراماسى جەڭىمپاز اتاندى
دەپ حابارلايدى ش ق و دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى.
«التاي» بارلىعى 30 ويىن وتكىزىپ، ونىڭ ىشىندە 15 ماتچتى ءوز الاڭىندا، قالعان 15 ويىندى سىرت الاڭدا وينادى. العاشقى 3 ويىن وسكەمەندەگى «ۆوستوك» الاڭىندا وتسە، كەيىن سەمەيگە بارىپ «سپارتاك» الاڭىندا كەزەكتى ويىندار جالعاسىن تاپتى.
«التايدان» كەيىن تۇعىر ساتىسىنا الماتىلىق «قايرات» كومانداسى جانە ەكىنشى ليگانىڭ قولا جۇلدەگەرلەرى شىمكەنتتىك «سديۋشور №7» ۇجىمى جايعاستى. 30 ويىندا «التايلىقتار» 22 ويىندا جەڭىسكە جەتتى، 5 ويىندا تەڭ تۇسسە، تەك 3 ويىندا عانا جەڭىلىستىڭ اشى ءدامىن تاتتى. «رۋزايەۆكا» كومانداسىن (1:0) ، ەسەبىمەن ۇتقاننان كەيىن، جەڭىمپاز جانە جۇلدەگەر كوماندالاردى سالتاناتتى تۇردە ماراپاتتاۋ ءراسىمى ءوتتى.
«التاي» قۇراماسىنىڭ كاپيتانى ەۆگەنيۋ كوسترۋبكە چەمپيوندىق توندو بەرىلدى جانە كوماندا ويىنشىلارىنا مەدالدار تابىس ەتىلدى.
«التاي» كومانداسى مىنا ويىنشىلارمەن ونەر كورسەتتى: نۇرجارىق كۋنوۆ، سالمان حابايەۆ، شەيحيسلام قۇلاحمەتوۆ، دەنيس شيتكين، ەۆگەني نوحرين، قۋانىش سوۆەتوۆ، باۋىرجان تاڭىربەرگەنوۆ، داۋرەن قايقىباسوۆ، نيكولاي زابرودين، ءانۋار ساپارعاليەۆ، يسلامبەك اسان، ولەگ وۆچيننيكوۆ، امانبول اليەۆ، سەرىكجان جۇرسىنبەكوۆ، رۋسلان حايروۆ، الەكسەي مالسيەۆ، رۋسلان مۋسين، ارمان نۋسيپ، ەدۋارد ترومەنشلەگەر، سەرگەي شيەۆتسوۆ، ەۆگەني كوسترۋب.
ايتا كەتەيىك، شىعىس قازاقستاندىق قۇرامانىڭ ديرەكتورى قىزمەتىن اسحات اقىلبەكوۆ اتقارىپ ءجۇر. «التاي» كومانداسى كەلەسى ماۋسىمدا ق ر ءبىرىنشى ليگاسىندا وينايتىن بولادى.
