الەم بىرىنشىلىگىنە كەيبىر بالۋاندار دايىندىقسىز كەلگەن - بەيبىت ىستىبايەۆ

استانا. قازاقپارات - استانادا ءوتىپ جاتقان قازاق كۇرەسىنەن الەم بىرىنشىلىگىنە كەيبىر ەلدەردىڭ بالۋاندارى دايىندىقسىز كەلگەن. بۇل تۋرالى ءۇش دۇركىن قازاقستان بارىسى بەيبىت ىستىبايەۆ قازاقپارات تىلشىسىنە ايتىپ بەردى.

 «ءتول سپورتىمىز كۇرەستەن الەم چەمپيوناتى قىزىقتى، تارتىستى ءوتىپ جاتىر. الايدا دايىندىقسىز كەلگەن بالۋاندار دا جوق ەمەس. نەگىزىنەن، تۇركيا، وزبەكستان بالۋاندارىنىڭ دايىندىعى جوعارى» - دەدى ىستىبايەۆ.

سونداي- اق، ول وسىنداي الەم بالۋاندارىنىڭ باسىن قوسۋ قازاق كۇرەسىنىڭ تانىمالدىلىعىن ارتتىرۋعا ۇلكەن كومەگىن تيگىزەتىندىگىن اتاپ ايتتى.

«ءار ءىستىڭ ءوزىنىڭ ماقساتى بولادى. بۇل دودانىڭ دا باستى ماقساتى - قازاق كۇرەسىنىڭ تانىمالدىلىعىن ارتتىرۋ. وزگە ەلدەرگە قازاقتىڭ ءتول سپورتىن دارىپتەۋ. ءبىز بۇدان ۇتپاساق ۇتىلمايمىز. سەبەبى بۇل جولى ناشار بەلدەسكەن بالۋاندار كەلەسى جولى مىقتى دايىندىقپەن كەلۋگە تىرىسادى، تاجىريبە جينايدى. بارعان ەلدەرىنە قازاق كۇرەسى جايىندا ايتادى. وسىلاي كۇرەسىمىز داميدى»، - دەيدى سپورتشى.

اۆتور: كۇنسۇلتان وتارباي