ەپپل قىزمەتكەرى بالاسى ايفوننىڭ ءالى شىقپاعان ۇلگىسى تۋرالى مالىمەتتەردى جاريالاعانى ءۇشىن جۇمىستان كەتتى

بۇل تۋرالى The Verge پورتالى حابارلادى.

امەريكالىق اتالمىش كومپانيادا جۇمىس ىستەيتىن ينجەنەردىڭ قىزى اكەسىمەن بىرگە ونىڭ جۇمىسىنا ەرىپ بارعان. وندا ساتىلىمعا ءالى شىقپاعان iPhone X سمارتفونىن ۆيدەوعا ءتۇسىرىپ، جەلىگە تاراتقان. وسىدان كەيىن Apple قىزمەتكەرى جاڭا قۇرىلعىلاردى ساتىلىمعا شىقپاي تۇرىپ كورسەتۋگە بولمايتىندىعىنا قاتىستى كومپانيا شارتىن بۇزعانى ءۇشىن جۇمىستان شىعارىلدى.

ينجەنەردىڭ قىزى برۋك امەليا ءوز ۆيدەوسىندا جاڭا ايفوننىڭ كەيبىر فۋنكسيالارىن كورسەتكەن. «سونداي-اق كادردان Apple قىزمەتكەرىنە بەرىلگەن جاسىرىن QR- كودتاردى كورۋگە بولادى»، دەپ جازادى پورتال.

برۋك امەليا ۆيدەونى ەشبىر استارلى پيعىلسىز تۇسىرگەنىن جانە ونىڭ سالدارى تۋرالى بىلمەگەنىن ايتىپ اقتالدى.

iPhone X ساتىلىمعا 3 -قاراشا كۇنى شاعىدا دەپ كۇتىلۋدە.