قازاقستان پوليتسياسىنىڭ ۇزدىك مەرگەنى انىقتالدى
قوستاناي وبلىستىق ءى ءى د جەدەل ارەكەت ەتۋ ارنايى جاساعىنىڭ (س و ب ر) كوماندير ورىنباسارى باتىربەك زاكىريانوۆ ىشكى ىستەر مينيسترلىگىنىڭ 29 قىزمەتكەرى قاتىسقان جارىستا جەڭىسكە جەتتى. ول ارنايى جاتتىعۋدى ماكاروۆ تاپانشاسىنان 8,6 سەكۋندتا اياقتادى. ناتيجەسىندە، بارلىعى 30 ۇپايدىڭ 28 ىن قورجىنعا باستى.
مەرگەندەر باسەكەسى استانا قالاسى ماڭىنداعى اقمول اۋىلىندا وقۋ-ادىستەمەلىك جيىندار شەڭبەرىندە ءوتتى.
قوستانايلىق وفيسەردىڭ پراكتيكالىق وق اتۋ بويىنشا بىلىكتىلىگى جوعارى ەكەنىن ايتا كەتۋ كەرەك. ول ءى ءى د- دە جاس ساربازداردى قارۋدان اتۋعا ۇيرەتەدى.
«قارۋ ۇستاۋعا بالا كەزدەن قىزىقتىم. ال پراكتيكالىق وق اتۋعا ارنايى جاساق قۇرامىنا كەلگەن ۋاقىتتا كىرىستىم. 2012 -جىلى رەسەيلىك ارىپتەستەرمەن تاجىريبە الماستىق. كەيىن ءوزىمىزدىڭ جاساقتاعىلاردى وق اتۋعا ۇيرەتە باستادىم. قازىرگى كەزدە نۇسقاۋشى قىزمەتىن اتقارامىن»، - دەدى زاكىريانوۆ.
