دۇيسەنبى كۇنى ەلدىڭ باسىم بولىگىندە جاۋىن-شاشىندى بولادى

استانا. قازاقپارات - اتموسفەرالىق فرونتتاردىڭ وتۋىنە بايلانىستى 30 -قازان كۇنى قازاقستاننىڭ باسىم بولىگىندە جاۋىن-شاشىن بولادى.

كەي جەرلەردە جەل كۇشەيىپ، تۇمان مەن كوكتايعاق كۇتىلەدى، دەپ حابارلايدى قازاقپارات «قازگيدرومەت» ر م ك-عا سىلتەمە جاساپ.

اتاپ ايتقاندا، الماتى وبلىسىنىڭ جالاڭاشكول اۋدانىندا 18-23 م/س- پەن سوققان جەلدىڭ ەكپىنى 28 م/س ارتادى.

جامبىل،  قىزىلوردا، باتىس قازاقستان، قاراعاندى، قوستاناي وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى. قوستاناي وبلىسىنىڭ كەي اۋماقتارىن تۇمان باسىپ، كوكتايعاق بولادى.

كۇندىز وڭتۇستىك قازاقستان، ماڭعىستاۋ وبلىستارىندا جەل 15-20 م/س كۇشەيەدى. ماڭعىستاۋ ءوڭىرىنىڭ جەكەلەگەن جەرلەرىندە تۇندە جانە تاڭەرتەڭ تۇمان كۇتىلەدى.

اقمولا، اقتوبە، سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان مەن كوكتايعاق بولجانادى.

شىعىس قازاقستان مەن اتىراۋ وبلىستارىندا تۇمان كۇتىلەدى.