بەيتانىس قىزعا بۇيرەگىن بەرگەن جىگىت: ەشتەڭەگە وكىنبەيمىن

وتكەن اپتادا ابزالدىڭ بۇيرەگىن شىمكەنتتىك ءجاميلا بايسەرىكوۆاعا ورنالاستىرعان. ال 23 - قازاندا جىگىت اۋرۋحانادان شىققان. بۇل تۋرالى ۋرالسكايا نەدەليا حابارلايدى.

ابزال ءادىلوۆ ءبىر- ەكى اي كولەمىندە الماتىدا بولاتىنىن ايتتى. ونىڭ دەنساۋلىعى دارىگەرلەردىڭ قاتاڭ باقىلاۋىندا. ءجاميلا بايسەرىكوۆا ءالى دە اۋرۋحانادا جاتىر. جاڭا بۇيرەكتى اعزاسى قابىلداۋ ءۇشىن، ءبىراز ۋاقىت ەم قابىلداۋى ءتيىس.

ابزال ءادىلوۆ - ورال ءوڭىرى اقجايىق اۋدانىنىڭ تۋماسى. ول المالى اۋىلىندا تۋىپ- وسكەن.

«ءوزىم - قاراپايىم اداممىن. ماماندىعىم - قۇرىلىسشى. بىلتىر تەلەديداردان ءجاميلا بايسەرىكوۆانىڭ اۋىر جاعدايى تۋرالى بىلگەنمىن. ەكى بۇيرەگى بىردەي ىستەن شىققان. ال اتا- اناسىنىڭ دونورلىق بۇيرەك ساتىپ الۋعا اقشاسى جوق. ءوز بۇيرەگىمدى بەرەمىن دەگەن شەشىمگە بىردەن كەلمەدىم. ءبىراق ءجاميلانىڭ جاعدايى جۇرەگىمدى اۋىرتتى. ءدال وسىنداي جاعداي ءوز باسىما تۇسكەندە، قايدان اقشا تابارىمدى بىلمەي دال بولاتىنىمدى ويلادىم. اتا- اناممەن اقىلداسىپ، ارتىنشا ينتەرنەتتەن ءجاميلانى ىزدەپ تاپتىم. ءبىراز سويلەستىك. مۇنان كەيىن وعان كومەكتەسىپ، ءبىر بۇيرەگىمدى بەرگىم كەلەتىنىن ءتۇسىندىم. قازىر ءوزىمدى جاقسى سەزىنەمىن. ەشتەڭەگە وكىنبەيمىن» ، - دەيدى ابزال ءادىلوۆ.