11:14, 29 - قازان 2017 | GMT +6
سوماليدە قارۋلانعان لاڭكەستەر قوناق ۇيگە شابۋىلدادى
استانا. قازاقپارات - سومالي استاناسى موگاديشو قالاسىندا بولعان تەراكتى سالدارىنان كەم دەگەندە جەتى ادام قازا تاپتى. بۇل تۋرالى Euronews حابارلادى.
جانكەشتى لاڭكەس جارىلعىش زات ورناتىلعان اۆتوموبيلمەن قوناق ءۇيدىڭ قاقپاسىن بۇزىپ كىرگەن. كەيىن قارۋلى ەكسترەميستەر عيماراتتىڭ ىشىنە كىرىپ، ادامدارعا وق جاۋدىرعان. پوليتسيا دەرەگى بويىنشا، لاڭكەستىك شابۋىل جاسالعان وتەل پارلامەنت مۇشەلەرى مەن اسكەريلەر ءجيى كەلەتىن ورىن بولعان. بۇدان بۇرىن ۇلتتىق تەاتر مەن سومالي پارلامەنتىنىڭ بۇرىنعى عيماراتى اۋماعىندا مينالانعان ەكى ماشينانىڭ جارىلعانى تۋرالى حابارلانعان ەدى.
اۆتور: اقبوپە ءابدراسۋل
