سىر كۇرىششىلەرى وبلىس تاريحىندا العاش رەت جارتى ميلليون توننادان استام ءونىم جينادى
ءوڭىر تاريحىندا العاش رەت استىق كولەمى جارتى ميلليوننان استام توننانى قۇرادى. ورتاشا ەسەپپەن كۇرىشتىڭ ءار گەكتارىنان 55,3 سەنتنەردەن استىق جينالدى.
«التىن ءدان-2017» سالتاناتتى شاراسى اياسىندا وبلىس اكىمى قىرىمبەك كوشەربايەۆ اۋىل شارۋاشىلىعى سالاسىنىڭ ەڭبەك ارداگەرلەرىنە ەلباسى ن. نازاربايەۆتىڭ قۇتتىقتاۋىن جەتكىزدى.
وبلىس اكىمى ارداگەرلەرگە اگرارلىق سالادا جەتكەن جەتىستىكتەرى تۋرالى ايتىپ، الداعى جوسپارلارىمەن ءبولىستى. مىسالى، اگروونەركاسىپتىك كەشەندى جانە ەكسپورت ۇلەسىن ۇلعايتۋ بويىنشا جۇزگە جۋىق جوبا ىرىكتەلىپ الىنعان. ولار ىسكە قوسىلعاندا ەكى مىڭعا جۋىق جاڭا جۇمىس ورنى اشىلادى.
«وتكەن اپتانىڭ اياعىندا مەن وبلىستىڭ دەلەگاتسياسىن باسقارىپ ارنايى يران يسلام رەسپۋبليكاسىنىڭ مازانداران جانە گۇلىستان پروۆينتسيالارىنا ساپارمەن بارىپ، يراندىق كاسىپكەرلەرمەن يراندىق كۇرىش سورتتارىن وبلىستا ءوندىرۋدى قارجىلاندىرۋ جانە وندىرگەن ءونىمدى تۇگەل يرانعا ەكسپورتتاۋ جونىندە ۇزاق مەرزىمدى كەلىسىمگە كەلدىك. بيىل كۇرىشتىڭ العاشقى 60 تونناسىن يرانعا ەكسپورتقا جىبەرەتىن بولساق، بولاشاقتا يراندىق كۇرىشتى 5 مىڭ گەكتارعا ەگىپ، كەم دەگەندە 10 مىڭ توننا كۇرىش ەكسپورتتاۋ جوسپارلانىپ وتىر. كەلەشەكتە يراندىقتار 1 ميلليون تونناعا دەيىن كۇرىشتى قىزىلوردا وبلىسىنان الۋعا مۇددەلى ەكەندىكتەرىن مالىمدەدى»، - دەدى وبلىس اكىمى.
ايتا كەتەيىك، 2017 -جىلدىڭ 1 - جارتىجىلدىعىندا اۋىل شارۋاشىلىعى ونىمدەرىن ەكسپورتتاۋ 48,3 پايىزعا ءوستى، ال كۇرىشتىڭ ەكسپورتى 53 پايىزعا ارتتى. رەسەيلىك كومپانيالار شامامەن 6 مىڭ توننا كوكونىس جانە باقشا داقىلدارىن ساتىپ الدى. سونىمەن قاتار، 1944 باس قوي يران يسلام رەسپۋبليكاسىنا جانە ا ءا جىبەرىلدى.
ۇزدىكتەر ق ر اۋىل شارۋشىلىعى مينيسترلىگىنىڭ جانە وبلىس اكىمىنىڭ العىس حاتتارىمەن، مەدالدارىمەن ماراپاتتالدى.
ەرتەڭ قىزىلوردا قالاسىندا بارلىق اۋدانداردىڭ قاتىسۋىمەن ءداستۇرلى اۋىل شارۋاشىلىعى ونىمدەرىنىڭ جارمەڭكەسى وتەدى.
اۆتور: ەلۋباي اۋەزوۆ
