اتىراۋ وبلىسىنىڭ شالعاي اۋىلدارىنا گازەتتەردى دروندار جەتكىزەدى
«قازىرگى تاڭدا درونداردى، ياعني ۇشقىشسىز ۇشاتىن اپپاراتتاردى اتىراۋ وبلىسىنىڭ ءبىرقاتار اۋداندارىنا گازەت، جۋرنال جەتكىزۋ ءۇشىن پايدالانۋ مۇمكىندىكتەرى قاراستىرىلۋدا. ءبىز اتالعان ۇشقىش اپپاراتتاردىڭ العاشقى نۇسقالارىن الدىق. قىس تۇسىسىمەن ءبىز درونداردى قىزىلقوعا اۋدانىندا پايدالانۋدى ءجون كورىپ وتىرمىز. ويتكەنى اتالمىش ايماقتا اۋدان ورتالىعى مەن كەيبىر اۋىلدىق وكرۋگتەردىڭ اراسى 100 ك م- دەن اسادى. درونداردىڭ كومەگىمەن اۋىل تۇرعىندارى جازدىرىپ العان گازەتتەر مەن جۋرنالدار ءتيىستى جەرىنە جەتكىزىلدى. ەگەر درونداردى پايدالانۋ باستاماسى ءبىزدىڭ ءۇمىتىمىزدى اقتايتىن بولسا، بۇل تاجىريبەنى ءبىز وزگە اۋدانداردا دا قولداناتىن بولامىز» - دەدى «قازپوشتا» ا ق- نىڭ اتىراۋ وبلىستىق فيليالىنىڭ ديرەكتورى باۋىرجان وتەپبايەۆ.
ايتا كەتەيىك، درونداردى العاش بولىپ «قازپوشتا» اكسيونەرلىك قوعامىنىڭ قاراعاندى وبلىسى بويىنشا وكىلدىگىنىڭ قىزمەتكەرلەرى پايدالانا باستاعان بولاتىن.
