قاراعاندى وبلىسىندا اۋدان اكىمىنىڭ ورىنباسارىنا پارا الدى دەگەن كۇدىك كەلتىرىلدى
دەپ حابارلايدى قازاقپارات.
شەنەۋنىك ج ش س جەتەكشىسىمەن كەزدەسۋدەن سوڭ قولعا ءتۇستى. ونى سىبايلاس جەمقورلىقپەن كۇرەس ۇلتتىق بيۋروسىنىڭ قىزمەتكەرلەرى 2017 -جىلدىڭ 25 قازانىندا كەشكىسىن قولعا ءتۇسىردى.
تەرگەۋ مالىمەتتەرى بويىنشا، شەنەۋنىك 1,5 ميلليون تەڭگە پارانى «وڭىرلەردى دامىتۋ-2020» باعدارلاماسى اياسىندا سالىنعان نىسان بويىنشا اتقارىلعان جۇمىستار اكتىسىنە ەش كەدەرگىسىز قول قويۋ جانە بۇدان ءارى دە كاسىپكەرگە «قامقورشىلىق» تانىتۋ ءۇشىن العان.
سوت زالىندا ايىپتالۋشىنىڭ ادۆوكاتى ونىڭ تۇراقتى مەكەنجايى بار ەكەنىن، بۇرىن سوتتالماعاندىعىن العا تارتا وتىرىپ، «قاماۋعا الۋ» شاراسىن جۇمسارتۋ جونىندە ءوتىنىش بىلدىرگەن. الايدا قىزبەك بي اۋدانىنىڭ № 1 سوتى كۇدىكتىنىڭ قاماۋعا الۋ مەرزىمىن ۇزارتۋ جونىندە قاۋلى شىعاردى.
«قوزعالعان ءىستى وندىرىسكە ەنگىزۋ بارىسىندا ايىپتالۋشىنىڭ قاماۋدا بولۋ مەرزىمى اياقتالدى. سول سەبەپتى سوت ءىس سوتتا قارالىپ جاتقان كەزدە سۇلەيمەنوۆ ديماش جۇمكەن ۇلىنىڭ قاماۋدا بولۋ مەرزىمىن ۇزارتۋ جونىندە قاۋلى شىعاردى»، - دەپ جاريا ەتتى سوت قاۋلىسىن سۋديا ايگۇل مىرزابەكوۆا.
شەنەۋنىككە ق ر ق ك- ءنىڭ 366 -بابى، 2 -بولىگى بويىنشا «زاڭسىز ارەكەت ەتكەنىن جاسىرۋ ءۇشىن پارا الۋ» ارەكەتى بويىنشا كۇدىك كەلتىرىلىپ وتىر.
