عالىمدار سمارتفوننىڭ جارىلۋ سەبەبىن انىقتادى

استانا. قازاقپارات - ا ق ش- تىڭ ستەنفورد ۋنيۆەرسيتەتىنىڭ عالىمدارى قازىرگى زاماناۋي سمارتفوندارعا، پلانشەتتەرگە ورناتىلاتىن ليتيي- يوندى باتارەيالاردىڭ جارىلۋ سەبەبىن انىقتادى، دەپ حابارلايدى Engadget.

زەرتتەۋشى ماماندار كريوەلەكتروندى ميكروسكوپيانى پايدالانا وتىرىپ، دەندريتتەردىڭ قىزمەتىن تولىق اشتى. دەندريت دەگەنىمىز اككۋمۋلياتورلاردى پايدالانۋ كەزىندە تۋىندايتىن قۇبىلىس. ليتيي دەندريتتەرى تۇسىرىلىمدەردى العان كەزدە ول سوزىلعان التى قىرلى كريستالل ۇلگىلەرىن جاسايدى. عالىمدار بۇرىندارى ەلەكتروندىق ميكروسكوپيا ءادىسىن پايدالانىپ، دەندريتتەر رەتتەلمەيتىن فورمادا بولادى دەپ تۇجىرىمداعان ەدى. مامانداردىڭ پىكىرىنە قاراعاندا، دەندريتتەر سانىنىڭ ءوسۋى ەلەكتروحيميالىق ۇياشىقتىڭ ىشىندە تۇيىقتالۋعا الىپ كەلەدى. بۇل پروتسەسس ليتيي- يوندىق باتەرەيالاردىڭ جارىلۋىمەن تىكەلەي بايلانىستى.