كاتالونيا پارلامەنتى تاۋەلسىزدىگىن جاريالادى

پارلامەنتتە داۋىس بەرگەن دەپۋتاتتىڭ 72- ءسى قۇجاتتى جاقتاسا، تەك 10-ى عانا وعان قارسى شىقتى. تاعى 2 دەپۋتات سايلاۋ جاشىگىنە بوس قاعاز سالدى.

وپپوزيتسيالىق پارتيا وكىلدەرى بولسا، پارلامەنت داۋىس بەرمەس بۇرىن زالدان شىعىپ كەتتى. ال ەل پرەمەر- ءمينيسترى ماريانو راحوي مەملەكەتتەگى زاڭدى ءتارتىپتى قايتا قالپىنا كەلتىرەتىنىن مالىمدەدى. سونىمەن قاتار ورتالىق بيلىك ايماقتىڭ مارتەبەسىن شەكتەيتىن كونستيتۋتسيانىڭ 155-بابىن ەنگىزىپ، مينيسترلەر كەڭەسىنىڭ شۇعىل وتىرىسىن وتكىزبەك.

كارمە فوركادەل، كاتالونيا پارلامەنتىنىڭ سپيكەرى:

 - ءبىز كاتالونيا حالقى وكىلدەرى رەتىندە ايماق تۇرعىندارىنىڭ جۇكتەگەن مىندەتىنە سايكەس تاۋەلسىزدىگىمىزدى جاريالاۋ قۇقىعىمىزدى جۇزەگە اسىرىپ وتىرمىز. ءبىز ەگەمەن، تاۋەلسىز، دەموكراتيالىق كاتالونيا رەسپۋبليكاسىن قۇرامىز.

www.24.kz