كومبايندى ايداپ كەتىپ، ەكى جىلعا سوتتالدى

 استانا. قازاقپارات - بەلارۋستاعى يۆاتسيەۆيچەسكي اۋدانىنىڭ تۇرعىنى استىق جينايتىن كومبايندى ايداپ كەتكەنى ءۇشىن ەكى جىلعا باس بوستاندىعىنان ايىرىلدى.

سونداي- اق ول 2,3 مىڭ Br كولەمىندە ايىپپۇل تولەيدى، دەپ ءمالىم ەتتى برەست وبلىسىنىڭ پروكۋراتۋراسى بەلتا اگەنتتىگىنە. شىلدە ايىنىڭ سوڭىندا جەكە كاسىپورىن جۇمىسشىسى ماس كۇيدە استىق جينايتىن كومبايندى ايداپ كەتكەن. مەملەكەتتىك اۆتوينسپەكتسيا قىزمەتكەرلەرى جولىن بوگەگەندىكتەن، ول الىسقا ۇزاي قويعان جوق. يۆاتسيەۆيچەسكي اۋداندىق سوتىنىڭ ۇكىمىمەن بۇزاقى جول ءجۇرۋ ەرەجەسىن بۇزىپ، كولىك قۇرالىن زاڭسىز باسقارعانى، سونداي- اق، جازانى ورىنداۋدان جالتارعانى ءۇشىن (بۇعان دەيىن جۇرگىزۋ قۇقىعىنان ايىرىلعان) كىنالى دەپ تانىلدى. وعان قاتىستى تۇزەۋ مەكەمەسىنە جىبەرمەستەن، 2  جىلعا باس بوستاندىعىنان ايىرۋ جازاسى كەسىلدى.