ساياحاتشى وڭتۇستىك افريكا ۇستىنەن قاراپايىم شارلارمەن ۇشىپ ءوتتى

 استانا. قازاقپارات - ۇلىبريتانيالىق ساياحاتشى ءارى The Adventurists اگەنتتىگىنىڭ نەگىزىن قالاۋشى تيم مورگان وڭتۇستىك افريكا ۇستىنەن قاراپايىم شارلارمەن 25 كيلومەتر ۇشىپ ءوتتى.

 وعان دەيىن مورگان مىرزا بوتسۆانا رەسپۋبليكاسى ۇستىنەن وسىلاي ۇشىپ وتۋگە بىرنەشە رەت تالپىنىس جاساعان، ءبىراق ونىسى ناتيجەسىز بولىپتى. گەلدى شارلاردى ءۇرىپ، دايىنداۋعا ساياحاتشىنىڭ 2 كۇن ۋاقىتى كەتكەن. «ەڭ قيىن بولعانى - ىڭعايلى اۋا رايىن كۇتۋ بولدى. شارلار ۇنەمى جارىلىپ جاتتى، ونىڭ الدىن- الۋ مۇمكىن بولمادى»، - دەيدى تيم مورگان ايرىقشا ساياحاتى تۋرالى.

بي- بي- سي حابارلاۋى بويىنشا، مورگان 2400 مەتر (8000 فۋت) بيىكتىككە كوتەرىلگەن. وسى قاشىقتىققا جەتكەن سوڭ، شارلاردى ءبىر- بىردەن جارىپ، اقىرىن تومەن تۇسە باستاعان. ساياحاتشىنىڭ ايتۋىنشا، شارمەن ۇشۋ، ءبىر جاعىنان، ول ءۇشىن ۇلكەن سىن بولسا، ەكىنشى جاعىنان، زور سەرپىلىس الىپ كەلگەن.

Massaget.kz