شىعىس قازاقستاندا التىن كەنىن وندىرەتىن جاڭا زاۋىت سالىنادى

وسكەمەن. قازاقپارات - شىعىس قازاقستان وبلىسى جارما اۋدانىنىڭ اكىمى نۇرلان سىدىقوۆ ايماقتىڭ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا وندىرىستىك ينفراقۇرىلىمنىڭ دامۋى بارىسى جايلى ءمالىم ەتتى،

 دەپ حابارلايدى «قازاقپارات» ح ا ا ءتىلشىسى.

 ونىڭ ايتۋىنشا، اعىمداعى جىلدا ونەركاسىپتىك ءوندىرىس كولەمى شامامەن 6,5 ميلليون تەڭگەنى قۇرادى. اۋداندا يندۋستريالىق باعىتتاعى ەكى جوبا جۇزەگە اسىرىلادى. «گورنياك ءوز بەتىمەن التىن ىزدەۋشىلەر ارتەلى» جالپى قۋاتتىلىعى جىلىنا 250 مىڭ توننا كەن قۇرايتىن التىن كەنىن وندىرەتىن زاۋىت تۇرعىزادى. جوبانى جۇزەگە اسىرۋعا 7,7 ميلليارد تەڭگە بولىنگەن.

 جاڭعىزتوبە اۋىلىندا «جاڭعىز - سولار» كومپانياسى قۋاتتىلىعى 30 مەگاۆاتت ەلەكتر ستانسياسىنىڭ قۇرىلىسىن دايىنداپ جاتىر. جوبا قۇنى 18 ميلليارد تەڭگەنى قۇرايدى. ن. سىدىقوۆ ش ق و بويىنشا جارما اۋدانى باسقا وڭىرلەرمەن سالىستىرعاندا الەۋمەتتىك- ەكونوميكالىق دامۋ جاعىنان الدىڭعى ورىنعا يە ەكەنىن اتاپ ءوتتى.

«سوڭعى ءۇش جىلدا رەسپۋبليكالىق تاسجولدارى بويىندا «كەرۋەن»، «مارالدى»، «جول بولسىن» سىندى ءىرى جول بويىنداعى كەمپينگتەر سالىنىپ، جولاۋشىلارعا بارلىق قاجەتتى قىزمەتتەردى ۇسىنىپ وتىر. بۇرىنعى اۋداندىق اۆتوۆوكزال بازاسىندا 20 ورىندىق كەشەن پايدالانۋعا بەرىلدى، وعان قوناقۇي، اسحانا جانە اۆتوۆوكزال كىرەدى»، - دەدى ن. سىدىقوۆ.