ەرەكشە اتاۋعا يە «تاۋەلسىزدىك» بيداي سورتى العاشقى ءونىمىن بەردى
بۇل تۋرالى ورتالىق كوممۋنيكاتسيالار قىزمەتىندە اۋىل شارۋاشىلىعى عىلىمدارىنىڭ دوكتورى، اۋىل شارۋاشىلىعى عىلىمدارى اكادەمياسىنىڭ اكادەميگى، «ا. ي. بارايەۆ اتىنداعى ا ش ع ءو و» ج ش س ديرەكتورى كەنجە ابدۋللايەۆ ءمالىم ەتتى.
عالىمنىڭ ايتۋىنشا، جاڭا بيداي سورتى وزگەلەرمەن سالىستىرعاندا سۋىققا ءتوزىمدى كەلەدى جانە ونىڭ ساپاسى ايتارلىقتاي جوعارى. «بىلتىر ق ر تاۋەلسىزدىگىنىڭ 25 جىلدىعى قۇرمەتىنە ارنايى بيداي سورتى شىعارىلدى جانە سىناقتان وتكىزىلدى. بيىل سورتتىڭ العاشقى ءونىمى الىندى. باسقالارمەن سالىستىرعاندا، ساپاسى جوعارى بولىپ شىقتى. سۋىققا دا ءتوزىمدى كەلەدى»، - دەدى ك. ابدۋللايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ك. ابدۋللايەۆتىڭ مالىمدەۋىنشە، اتالعان سورت س ق و، ارقالىق، قاراعاندىدا ورنالاسقان تاجىريبەلىك شارۋاشىلىقتارعا جىبەرىلەدى. سول شارۋاشىلىقتاردا اپروباتسيادان وتكەن سوڭ، كوبەيتىلەدى جانە وزگە وڭىرلەر مەن شارۋاشىلىقتارعا تاراتىلادى.
اۆتور: ايجان سەرىكجان
