وڭتۇستىك قازاقستاندا قولونەر شەبەرلەرىنىڭ كورمە- جارمەڭكەسى ءوتتى - فوتو

شىمكەنت. قازاقپارات - وڭتۇستىك قازاقستان وبلىسىندا «ۇلتتىق قولونەر - ۇرپاققا امانات» اتتى قولونەر شەبەرلەرىنىڭ كورمە- جارمەڭكەسى ءوتتى.

 كورمە ورتالىعىندا تەمىردەن ءتۇيىن ءتۇيىپ، سازدى ءساندى بۇيىمعا اينالدىرعان حاس شەبەرلەر باس قوستى، دەپ حابارلايدى قازاقپارات ءتىلشىسى.

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا ۇيىمداستىرىلعان جارمەڭكەگە وبلىس بويىنشا 45-تەن استام شەبەر جينالىپ، وزدەرىنىڭ ءتول تۋىندىلارىن كوپشىلىك نازارىنا ۇسىندى. قازاقتىڭ ۇلتتىق ناقىشتارىن دارىپتەيتىن ءتۇرلى بۇيىمدار ساتىلىمعا شىعارىلدى.

 

جارمەڭكەدەگى قوس شەكتى دومبىرا، تورسىق، دوربا، ماساتىدان قۇراقتالعان كورپەلەر ادامنىڭ كوز جاۋىن الادى. بۇل بۇيىمدار - جادىگەر ەمەس، قولدانۋعا جارامدى دۇنيەلەر. ون ساۋساعىنان ونەر تامعان شەبەرلەر اعاشتان جاسالعان بۇيىمدار مەن بىلعارىدان تىگىلگەن بۇيىمدارىن اكەلىپتى. ونداعى بۇيىمداردى جۇرت ءسان ءۇشىن ەمەس كۇندەلىكتى قولدانىسقا تۇتىنۋعا دا الىپ جاتتى. ماسەلەن، زاماناۋي ءاميان، قول دوربالاردى ءداستۇرلى ويۋلارمەن اسپەتتەپ، تازا بىلعارىدان جاسالعان. كورمەدە شەبەرلەردىڭ جاساعان بۇيىمدارىن ارنايى قازىلار القاسى ساراپقا سالادى. ۇزدىك تۋىندىلارعا قارجىلاي جۇلدە تاپسىرىلدى.