رەسەي بومبالاۋشى ۇشاعى قازاقستانداعى نىساناعا زىمىران اتتى

استانا. قازاقپارات - رەسەي ستراتەگيالىق يادرولىق قارۋلى كۇشتەرى 26- قازاندا جاتتىعۋ وتكىزىپ، اسكەري ۇشاقتان قازاقستانداعى نىساناعا قاناتتى زىمىران اتتى دەپ حابارلادى رەسەي قورعانىس مينيسترلىگى.

26- قازاندا وتكەن جاتتىعۋعا رەسەي ستراتەگيالىق يادرولىق قارۋلى كۇشتەرىنىڭ قۇرلىق، تەڭىز جانە اۋە كۇشتەرىنىڭ تەحنيكالارى قاتىستى. جاتتىعۋ بارىسىندا ۇشاقتارى ۋكراينكا، ەنگەلس جانە شايكوۆكا بازالارىنان ۇشىپ شىققان الىس قاشىقتىققا ۇشاتىن تۋ-160، تۋ-95م س جانە تۋ-22م3 ستراتەگيالىق بومبالاۋشى ۇشاقتارى قازاقستاننىڭ باتىسىنداعى تەرەكتى پوليگونى، كامچاتكاداعى كۋرا جانە كومي رەسپۋبليكاسىنداعى پەمبوي پوليگونىنداعى نىسانالارعا قاناتتى زىمىراندار اتتى.

سونىمەن قاتار پلەسەتسك كوسمودرومىنان كۋرا پوليگونىنا «توپول» قۇرلىقارالىق بالليستيكالىق زىمىرانى اتىلدى.

جاتتىعۋدا بۇعان قوسا سولتۇستىك جانە تىنىق مۇحيتى فلوتتارىنىڭ اتوم سۇڭگۋىر قايىقتارىنان، ستراتەگيالىق زىمىران تاسىعىشتاردان بالليستيكالىق زىمىراندار اتتى.

«ازاتتىق»