اقشانى قالاي جيناۋ كەرەك؟

استانا. قازاقپارات - اقشا ماسەلەسى كەز كەلگەن ورتادا تالقىلاناتىن ءارى كەرەك بولاتىن قاجەتتىلىك.

ءبىرىمىز اي سايىن ايلىققا قارايمىز، ءبىرىمىز كۇندەلىكتى، ال ءبىرىمىز بايلىقتا ءومىر ءسۇرىپ جاتىرمىز.

ال قوسىمشا اقشا جيناپ، تابىسقا جەتۋ ءۇشىن نە ىستەۋ كەرەك؟

1. شىعىنىڭىزدى ەسەپتەپ وتىرىڭىز. بالكىم ءسىز دوستارىڭىزبەن ءجيى قىدىرعاندى، دەمالعاندى، قىمبات كيىمدەر كيىپ دۇكەن ارالاعاندى جاقسى كورەتىن بولارسىز. ءبىراق ءوزىڭىزدى الداۋدىڭ قاجەتى جوق. سەبەبى، ءسىزدىڭ بۇل جاعدايعا ءالى شاماڭىز جەتپەيدى.

2. ءبىر ايعا بيۋدجەت جاساڭىز. جالاقىڭىزدى الا سالىسىمەن ەڭ ءبىرىنشى بەلگىلى ءبىر بولىگىن ساقتاپ قويىڭىز، قالعان بولىگىمەن تۇرمىستىق قاجەتتىلىكتەردى وتەڭىز. ودان ارتىلىپ قالعان اقشانى تاعى ەكىگە ءبولىڭىز. جارتىسى ءۇي-كۇيىڭىزگە، قىدىرۋعا كەتسە، قالعان بولىگى تاعى ساقتالىپ قالسىن. وسى جۇيەمەن اي سايىن ادەتكە اينالدىرساڭىز، جىل سوڭىندا ءبىراز تابىسقا قول جەتكىزگەنىڭىزدى بايقايسىز.

3. قوماقتى شىعىنداردىڭ ۋاقىتىن ەسەپتەڭىز. ماسەلەن ءبىر اي ىشىندە ءسىز كيىم دۇكەنىنە كىرىپ كوپ اقشا جۇمساۋىڭىز مۇمكىن. ياعني كوزىڭىزگە تۇسكەن كيىمدەردى الۋعا تىرىساسىز. ەڭ جامانى مەزگىلگە قاراي تاڭداۋ (قىستىق، كۇزدىك كيىمدەر). ودان بولەك سپورتتىق جانە دەمالىسقا ارنالعان كيىمدەر دە قارايسىز. مۇنداي جاعدايدا قىمبات دۇكەنگە ۇرىنباي، جارتى باعادا ساتىلاتىن دۇكەندەرگە بارىڭىز.

4. كرەديتتىك كارتانى دۇرىس پايدالانا ءبىلىڭىز. كرەديتتىك كارتانى دۇرىس پايدالانۋ ارقىلى كوپ نارسە ۇتۋعا بولادى. بانكپەن تىعىز بايلانىس ورناتىپ وتىرىڭىز، قانداي جەڭىلدىكتەر قاراستىرىلىپ جاتقانىنان حاباردار بولىڭىز. بونۋستىق جەڭىلدىكتەرگە ءىلىنىپ بارىنشا اقشا جاعىنان ۇتىلماۋعا تىرىسىڭىز.

5. جوسپاردا جوق ارتىق اقشانى جيناڭىز. بۇل دەگەنىمىز اي سايىن الاتىن جالاقىڭىزدىڭ ارتىلعان بولىگىن جيناۋ. اقشا جيناۋ - جاقسى قاسيەت. ادەتكە اينالدىرىپ الساڭىز ءتىپتى كەرەمەت. سەبەبى اقشانىڭ قاي كەزدە كەرەك بولىپ قالاتىنىن بىلمەيسىز. بۇگىن نەمەسە ەرتەڭ نە ءبىر ايدان كەيىن كەرەك بولادى. سوندىقتان وسى باستان بارىنە جوسپار جاساپ اقشانى ۇنەمدەپ ۇيرەنىڭىز.

Massaget.kz