قانات يسلام بۇكىل الەمدىك بوكس كەڭەسىنىڭ رەيتينگىندە ءۇشىنشى ورىندا
بۇگىن WBO كەڭەسى ءوزىنىڭ رەسمي سايتىندا جاڭارتىلعان رەيتينگىن جاريالادى. جاڭارتىلعان تىزىمدە وتانداسىمىز قانات يسلام ءۇشىنشى ورىندا تۇر.
ال، WBO International بەلبەۋىنىڭ يەگەرى، رەسەيلىك ماگومەد گۋربانوۆ ءبىرىنشى ورىنعا ورنالاسقان. ەكىنشى ورىندا بريتانيالىق بوكسشى ليام ۋيليامس جايعاسقان.
WBA رەيتينگى بويىنشا قانات يسلام ەكىنشى ورىندا تۇرسا، IDF رەيتينگىندە ءۇشىنشى، ال The Ring جۋرنالىنىڭ تىزىمىندە ونىنشى ورىنعا جايعاسقان.
ەسكە سالايىق، بۇعان دەيىن ارگەنتينالىق BoxeodeCampeones.com پورتالىنىڭ ءتىلشىسى حاۆي تولەدو قانات يسلامدى ءبىرىنشى ورتا سالماقتاعى WBA بەلبەۋىنە باستى ۇمىتكەر دەگەن بولاتىن.
قانات يسلام سوڭعى كەزدەسۋىن 9- قىركۇيەك كۇنى ەلوردامىز استانا قالاسىندا وتكىزىپ، كانادالىق برەندون كۋكتى (18-1, 11 ك و) توعىزىنشى راۋندتا تەحنيكالىق نوكاۋتپەن جەڭدى. وسىلايشا وتانداسىمىز WBO NABO جانە WBA Inter- Continental بەلبەۋلەرىن ساقتاپ قالدى.