كومەديالىق جانرداعى «ءوز ءۇيىم» تەلەحيكاياسى ءتۇسىرىلىپ جاتىر

استانا. قازاقپارات - «حابار» اگەنتتىگىنىڭ تاپسىرىسىمەن قولعا الىنعان «ءوز ءۇيىم» تەلەحيكاياسىن ءتۇسىرۋ جۇمىستارى اياقتالۋعا جاقىن.

كومەديالىق جانرداعى تۋىندىعا وتاندىق شوۋ- بيزنەس وكىلدەرى جۇمىلدىرىلعان. بۇل تەلەحيكايا قۇدايبەرگەنوۆتەر وتباسىنداعى قىزىقتى جايتتار مەن قيىندىقتارى تۋرالى.

وقيعا باستى كەيىپكەرلەردىڭ ءۇش ۇلى مەن كەلىندەرى اراسىندا ءوربيدى. ۇلدارىنىڭ جەكە تۇرۋىنا ۇنەمى قارسى بولاتىن وتاعاسى قانات قۇدايبەرگەنوۆ شاڭىراعىندا اسكەري ءتارتىپ بولعانىن قالايدى.

 قانات قۇدايبەرگەنوۆ، ق ر ەڭبەك سىڭىرگەن ءارتىسى:

- سسەناريدەگى كەيبىر سوزدەردىڭ ورنىن اۋىستىرۋعا تۋرا كەلەدى. بىزدە تازا اكتەرلىك تاجىريبە بولماعاننان كەيىن، كەيبىر كورىنىستەر جىلدام تۇسەدى، كەيبىرىن بىرنەشە دۋبلمەن ءتۇسىرىپ جاتامىز. انشىلەردى كينوعا ءتۇسىرۋ وتە قيىن. ويتكەنى ءتۇسىرۋ جۇمىستارى توقتاۋسىز، كەيدە كۇنى- ءتۇنى جۇرۋگە تۋرا كەلەدى. ال ونەر ادامدارىنىڭ قولى بوس بولا بەرمەيدى ەكەن. «الايدا كامەرا الدىندا وزدەرىن جاقسى ۇستايدى»، -  دەيدى رەجيسسەر.

ءانۋار ماتجانوۆ، «ءوز ءۇيىم» تەلەحيكاياسىنىڭ رەجيسسەرى:

- ارمان لوندوندا وقىپ كەلەدى. اۋەجايدا شەتەلدەن كەلگەن قىزبەن سومكەسىن اۋىستىرىپ العان. ول قىز قازاقشا تۇسىنبەيدى. سونىمەن ۇيدە قىزىق جاعداي بولادى.

تەلەحيكايانىڭ ەكرانعا قاشان شىعاتىنى ازىرگە بەلگىسىز. بۇل فيلمنىڭ ءبىر ەرەكشەلىگى -  باستى رولدەردى تەك قانا جۇلدىزدى جۇپتار وينايدى جانە ولاردىڭ ومىردەگى شىنايى تۇرمىس- تىرشىلىگى كورسەتىلەدى.

www.24.kz